GSTV
Gujarat Government Advertisement

કામના સમાચાર/ 1 એપ્રિલથી નવી કાર થઈ જશે મોંઘી, સરકાર લાગુ કરી રહી છે આ નવા નિયમો

Last Updated on March 4, 2021 by Pravin Makwana

હવે ડ્રાઇવરની સાથો સાથ સહ-પેસેન્જરને પણ એરબેગ આપવી ફરજિયાત રહેશે. આ નિયમ 1 એપ્રિલ 2021 થી લાગુ કરવામાં આવશે. માર્ગ અને પરિવહન મંત્રાલયે આ અંગે કાયદા મંત્રાલયને એક પ્રસ્તાવ મોકલ્યો છે જેને મંજૂરી આપવામાં આવી છે.

ફ્રન્ટ એરબેગ્સ દરેક કારમાં ફરજિયાત

હવે ફક્ત કારના ડ્રાઇવરો માટે જ નહીં પણ તેની સાથે બેઠેલા મુસાફરો માટે પણ જરૂરી બનશે. કાયદા મંત્રાલયે માર્ગ અને પરિવહન મંત્રાલયની દરખાસ્ત સ્વીકારી લીધી છે, આ માટે આગામી ત્રણ દિવસોમાં જાહેરનામું બહાર પાડવામાં આવશે. આનો અર્થ એ છે કે 1 એપ્રિલ 2021ના ​રોજ અથવા તેના પછી બનેલી કારોને બે ફ્રન્ટ એરબેગની જરૂર પડશે.

ઓગસ્ટ 31, 2021માં વર્તમાન મોડેલો માટેની અંતિમ તારીખ

હાલની કારના મોડેલો માટેના નવા નિયમો 31 ઓગસ્ટ, 2021થી અમલમાં આવશે, જેની સૂચિત સમયમર્યાદા જૂન 2021 હતી, જે હવે વધારી દેવામાં આવી છે. ગયા વર્ષે ડિસેમ્બરમાં સરકારે તમામ કારમાં આગળના મુસાફરો માટે એરબેગ ફરજિયાત બનાવવા માટે લોકો પાસેથી પ્રતિક્રિયા અને સૂચનો માંગ્યા હતા. જો કે આનાથી ઓટો કંપનીઓની કિંમતમાં પણ વધારો થશે.

હાલમાં ફક્ત ડ્રાઇવર સીટ માટે ફરજિયાત છે

પરિવહન મંત્રાલયે જારી કરેલી સૂચના મુજબ, એરબેગ્સ એઆઈએસ 145 બ્યુરો ઓફ ઇન્ડિયન સ્ટાન્ડર્ડ્સ એક્ટ, 2016 હેઠળ બનાવવામાં આવશે. હાલમાં તમામ કારમાં ડ્રાઇવરની સીટ માટે એરબેગ ફરજિયાત છે, પરંતુ સાથે બેઠેલા મુસાફરો માટે ચોક્કસપણે કોઈ એરબેગ નથી, જેના કારણે અકસ્માત દરમિયાન ગંભીર ઈજા અને મોતનો ભય રહે છે. તમને જણાવી દઇએ કે મોટાભાગની કારમાં સ્પીડ એલર્ટ્સ, રિવર્સ પાર્કિંગ સેન્સર અને સીટ બેલ્ટ રિમાઇન્ડર્સ જેવી સ્ટાન્ડર્ડ સુવિધાઓ ફરજિયાત છે, પરંતુ લાઇફ સેવિંગ એરબેગ્સ ફરજિયાત નથી.

READ ALSO

Gujarat Government Advertisement

Related posts

જો મો માં વારંવાર છાલા પડે છે, તો પછી આ સરળ ઘરેલું ઉપાય અજમાવો

Bansari

ડબલ માસ્ક કોરોના થી બચવા માટે ખૂબ જ મહત્વપૂર્ણ છે, માસ્કથી ફક્ત ૪૦ ટકા સલામતી

Bansari

કોરોનાનું ભયાવહ રૂપ / મહારાષ્ટ્રમાં દર ત્રીજી મિનીટે એકનું મોત અને દર કલાકે અંદાજે 3 હજાર લોકો સંક્રમણના ભોગ

Dhruv Brahmbhatt
Do NOT follow this link or you will be banned from the site!