GSTV
Business ટોપ સ્ટોરી

મોટા સમાચાર / એર ઈન્ડિયા-વિસ્તારા એરલાઈન્સના મર્જરને આખરે લીલીઝંડી, સિંગાપુર એરલાઈન્સ કરશે 2000 કરોડનું રોકાણ

સિંગાપુર એરલાઈન્સ દ્વારા આજે એક મહત્વની જાણકારી આપી છે. એરલાઈન્સનું કહેવું છે કે, ટાટા સન્સની માલિકીની એર ઈન્ડિયા સાથે વિસ્તારા એરલાઈન્સનું માર્ચ 2024 સુધીમાં મર્જર કરવામાં આવશે. ટાટા સન્સ અને સિંગાપુર એરલાઈન્સ વચ્ચે મર્જરને લઈને ચર્ચા-વિચારણા બાદ નિર્ણય લેવાયો છે. વિસ્તારામાં ટાટા સન્સ અને સિંગાપોર એરલાઇન્સ બંને માલિકી ધરાવે છે, જેમાં સિંગાપોર એરલાઇન્સનો હિસ્સો વધુ છે. આ નવી વ્યવસ્થા બાદ એર ઈન્ડિયા પાસે વધુ એરક્રાફ્ટ અને વધુ રૂટ હશે.

કંપનીમાં સૌથી વધુ હિસ્સો ટાટા સન્સ પાસે

આ મોટી કંપનીમાં સિંગાપુર એરલાઈન્સનો 25 ટકા હિસ્સો હશે અને આ મોટી કંપનીમાં સિંગાપુર એરલાઈન્સ રૂ.2000 કરોડનું રોકાણ કરશે. હાલ વિસ્તારા પાસે 51 ટકા જ્યારે 49 ટકા હિસ્સો ટાટા પાસે છે. ટાટાએ આ વર્ષની શરૂઆતમાં એર ઈન્ડિયાને સરકારી ડિસઈન્વેસ્ટમેન્ટના ભાગરૂપે 18,000 કરોડ રૂપિયામાં ખરીદી હતી.

2024 સુધીમાં મર્જર કરવાનું લક્ષ્ય

સિંગાપોર એરલાઈન્સે નિવેદનમાં વધુમાં જણાવ્યું કે, નિયમનકારી મંજૂરી મળ્યા બાદ આ મર્જર પ્રક્રિયાની કામગીરીનું લક્ષ્ય માર્ચ-2024 નક્કી કરાયું છે. ટાટા પાસે એર ઇન્ડિયા એક્સપ્રેસ અને એર એશિયા ઇન્ડિયા પણ છે. આ બંનેને 2024 સુધીમાં એર ઇન્ડિયા બ્રાન્ડ હેઠળ મર્જ કરાશે. એટલે કે તમામ 4 એરલાઈન્સ કંપનીઓ એર ઈન્ડિયામાં મર્જર થઈ જશે. આ કંપનીને ટાટા દ્વારા સ્થાપિત કરાઈ હતી. જોકે બાદમાં તેનું રાષ્ટ્રીયકરણ કરાયું હતું. જોકે આ કંપની ખોટમાં આવ્યા બાદ સરકારે તેને ટાટાને જ વેચી દીધી હતી.

READ ALSO

Related posts

સરકારે રાતોરાત જંત્રીના ભાવ વધારી દેતા બિલ્ડરો મૂંઝવણમાં મુકાયા, સરકાર સમક્ષ કરી આ માંગ

Nakulsinh Gohil

જંત્રીનો રેટ બમણો થતા  બિલ્ડર્સમાં ચિંતા, ક્રેડાઈના સભ્યો સીએમ ભૂપેન્દ્ર પટેલ સાથે કરશે  મુલાકાત

Nakulsinh Gohil

વડોદરા / કરજણ સ્વામિનારાયણ મંદિરના એકાઉન્ટમાંથી 48.43 લાખની ઉચાપત, નોંધાઈ પોલીસ ફરિયાદ

Nakulsinh Gohil
GSTV