GSTV

લો બોલો! સ્માર્ટસિટી બની ભૂવા નગરી,પોશ વિસ્તારમાં ત્રણ વર્ષમાં પડ્યા 65 ભૂવા અને સમારકામ માટે ખર્ચ કર્યો કરોડો રૂપિયાનો

અમદાવાદ શહેર સ્માર્ટસિટી છે. ત્યારે સ્માર્ટસિટીનો ટેગ ધરાવતા અમદાવાદ શહેરના માત્ર પશ્ચિમના વિસ્તારોમાં જ છેલ્લા ત્રણ વર્ષમાં કુલ મળીને 65 જેટલા ભૂવા પડયા છે.જ્યારે સૌથી વધુ નવરંગપુરામાં 18 ભૂવા પડયા છે. ભૂવા પડયા બાદ તેના સમારકામ પાછળ રૂપિયા ત્રણ કરોડનો ખર્ચ તંત્રને સમારકામ પાછળ કરવો પડયો છે.

ત્રણ વર્ષમાં નવરંગપુરામાં 18,પાલડીમાં 15 વાસણામાં 9 ભૂવા પડયાં

અમદાવાદ શહેરને સ્માર્ટ સિટી,મેગા સિટીનો ટેગ મળવાથી તંત્રના અધિકારીઓ અને શાસકપક્ષની ખુશીઓનો પાર નથી.સ્માર્ટસિટીના આ ટેગ પાછળ શહેરમાં છેલ્લા ત્રણ વર્ષમાં કયા વિસ્તારમાં કેટલા ભૂવા પડયા એ અંગે માહીતી અધિકાર હેઠળ એક નાગરિક દ્વારા માંગવામાં આવેલી માહીતીમાં માત્ર પશ્ચિમ ઝોનમાં જ ત્રણ વર્ષમાં કુલ 65 ભૂવા પડયા હોવાનું કહેવાયુ છે.

પશ્ચિમ ઝોનમાં જ ત્રણ વર્ષમાં કુલ 65 ભૂવા પડયા

આ ભૂવાઓના સમારકામ પાછળ રૂપિયા ત્રણ કરોડનો ખર્ચ કરાયો હોવાની વિગત બહાર આવી છે.પશ્ચિમ ઝોનના એડીશનલ સિટી ઈજનેરનો સંપર્ક સાધવા પ્રયાસ કરતા સંપર્ક થઈ શકયો નથી. નવરંગપુરામાં સૌથી વધુ 18 અને મેયર બિજલ પટેલના પાલડી વોર્ડમાં અઢાર અને પક્ષનેતા અમિતશાહના વાસણા વોર્ડમાં પણ નવ ભૂવા છેલ્લા ત્રણ વર્ષ દરમિયાન પડયા છે.

સમયસર તંત્ર દ્વારા ભૂવાના સમારકામની કામગીરી હાથ ધરવામાં ન આવતી હોવાથી લોકો પરેશાન

ભૂવા પડયા બાદ સમયસર તંત્ર દ્વારા ભૂવાના સમારકામની કામગીરી હાથ ધરવામાં ન આવતી હોવાથી સ્થાનિક રહીશો અને વાહન ચાલકોની મુશ્કેલીઓમાં વધારો થાય છે.માત્ર એક જ ઝોનની વિગતે તંત્રની પોલ ખોલી નાંખી છે.

ખોડિયારનગર-દાણીલીમડા રસ્તો બે વર્ષથી બંધ

દક્ષિણ ઝોનમાં ખોડિયારનગર ચાર રસ્તા સુધીનો રસ્તો ભૂવા પડવાના કારણે છેલ્લા બે વર્ષથી બંધ છે.સ્થાનિક કોર્પોરેટર કમળાબેન ચાવડાના કહેવા પ્રમાણે,પ્રોજેકટ વિભાગની બેદરકારીથી આ વર્ષે પણ આ રોડ પર વરસાદી પાણી ભરાવાની સંભાવના છે.ફેકટરીઓ દ્વારા છોડાતા કેમિકલયુકત પાણીને કારણે સ્ટ્રોમ ડ્રેનેજની લાઈનો ખવાઈ ગઈ છે.હાલ પ્રોજેકટ વિભાગ દ્વારા પાઈપો મુકી ચોમાસામાં સમારકામની કામગીરી હાથ ધરી છે જે પુરી થાય એમ લાગતુ નથી.

READ ALSO

Related posts

OMG : જાદુઈ રેતીને ગરમ કરવા પર બની જશે સોનુ! ઝવેરીએ 50 લાખના આભૂષણ આપી ખરીદી, જાણો પછી શું થયુ

Mansi Patel

પ્રાણીપ્રેમ: પોતાની પાલતુ ભેંસને સિંહનો કોળિયો બનતી જોતા યુવક વિફર્યો, સિંહ સાથે બાધ ભીડી

Pritesh Mehta

સુરત: પરાક્રમ દિવસે ધારાસભ્યનું પરાક્રમ, સોશિયલ ડિસ્ટન્સનું પાલન કરવાનું કહેવાતા પોલીસ સાથે જ કરી બબાલ

Pritesh Mehta
Do NOT follow this link or you will be banned from the site!