GSTV
Home » News » નવા વર્ષના પ્રારંભે જ ખાધી હવાલાતની હવા : અમદાવાદમાં 116 શખ્સો નશો કરેલા ઝડપાયા

નવા વર્ષના પ્રારંભે જ ખાધી હવાલાતની હવા : અમદાવાદમાં 116 શખ્સો નશો કરેલા ઝડપાયા

અમદાવાદમાં ન્યુ યર સેલિબ્રેશનમાં નશો કરીને છાકટા બનેલા યુવકોને પોલીસે પકડીને લોકઅપની હવા ખવડાવી હતી. શહેરમાં દારૂના દુષણને નિયંત્રણમાં રાખવા તથા શાંતિ અને સલામતીનો માહોલ જાળવી રાખવા માટે પોલીસે ખાસ એક્શન પ્લાન તૈયાર કર્યો હતો. રાતભર આખા શહેરમાં પોલીસે કરેલા પેટ્રોલીંગ દરમિયાન જુદા જુદા વિસ્તારમાંથી કુલ 116 શખ્સોને નશો કરેલી હાલતમાં ઝડપી લઇને કાર્યવાહી હાથ ધરવામાં આવી હતી.

અમદાવાદમાં સેકટર 1 માંથી 71 અને સેકટર 2 માંથી 45 થઈને કુલ 116 શખ્સોને નશો કરેલી હાલતમાં પોલીસ દ્વારા ઝડપી લેવામાં આવ્યા હતાં. વસ્ત્રાપુર પોલીસે 10, સોલા, ઘાટલોડિયા પોલીસે 2, નારણપુરામાં 6, નવરંગપુરા અને સાબરમતીમાંથી 15 લોકો નશાની હાલતમાં ઝડપાયા હતા. આ સિવાય સેટેલાઈટ, ગુજરાત યુનિવર્સિટીમાંથી 4 લોકો, એલિસબ્રિજમાંથી 11 અને રાણીપમાંથી 10 લોકો ઝડપાયા હતા. બીજીતરફ શાહીબાગ, કૃષ્ણનગર, ગોમતીપુર, ઓઢવ, રખિયાલ, અમરાઈવાડી, નિકોલ પોલીસે પણ નશાની હાલતમાં યુવાનોને ઝડપ્યા હતા.

31 ની રાત્રીએ આ વર્ષે પોલીસે સઘન બંદોબસ્ત ગોઠવ્યો હતો. જેમાં પોલીસે બ્રેથ એનેલાઇઝરથી સઘન તપાસ કરી હતી. જે પણ યુવકો નશાની હાલતમાં પકડાયા હતા તે તમામ યુવકોને પકડીને પોલીસ સ્ટેશનની હવા ખવડાવી હતી. આવા શખ્સો પોતાની ઓળખ છત્તી ન થઇ જાય તે માટે મોઢા સંતાડીને ફરતા પણ જોવા મળ્યા હતાં.

Related posts

અભિનેત્રી મોની રોય ગુલાબી રંગની સાડીમાં લાગી રહી છે એકદમ ખુબસુરત, સ્ટાઈલીશ લુકને કરો ટ્રાય

pratik shah

લગ્નની જાન આવતા પહેલા પોલીસ આવી પહોંચી, પછી થયું એવું કે…

pratik shah

મલાઈકા, અર્જુન, કરિના, આલિયા સાથે અનેક સ્ટાર્સ જોવા મળ્યા કરણ જૌહરના ઘરે

Kaushik Bavishi
Do NOT follow this link or you will be banned from the site!