GSTV
Home » News » અમદાવાદ : BRTSના ડ્રાઈવરે અકસ્માતમાં પોતાની ન ગણાવી ભૂલ, મારો વાંક નથી બાઈક તો…

અમદાવાદ : BRTSના ડ્રાઈવરે અકસ્માતમાં પોતાની ન ગણાવી ભૂલ, મારો વાંક નથી બાઈક તો…

અમદાવાદમાં પાંજરા પોળ ચાર રસ્તા પર બીઆરટીએસની ઝુંડાલ રૂટની બસ સાથે અથડાતા બાઇક પર જઇ રહેલાં બે સગા ભાઈઓના સ્થળ પર જ કરૂણ મોત નિપજયા હતાં. બસનો અકસ્માત થતાં જ ડ્રાઈવર ત્યાંથી ભાગી છૂટયો હતો. એકઠાં થયેલા ટોળાએ પત્થરમારો કરીને બસના કાચ ફોડી નાખ્યા હતા.

એક જ પરિવારનાં બે દિકરાઓનાં અકસ્માતમાં મોત થઈ જતાં પરિવારમાં આક્રંદ છવાઈ ગયો હતો. અકસ્માત પછી ડ્રાઈવર બસ મૂકી ભાગી છૂટ્યો હતો. પરંતુ તેની મોડી રાત્રે ધરપકડ કરાઈ હતી. BRTS બસ ચાલકનું નામ ચિરાગ પ્રજાપતિ છે. જે બસનો અકસ્માત થયો તે ટ્રાવેલ ટાઇમની હતી. કંપનીની હતી. બીઆરટીએસમાં હાલ ચાર્ટડ સ્પીડની 115, મારૂતિદાદા ટ્રાવેલ્સની 60, ટ્રાવેલ ટાઇમની 50 અને અશોક લેલેન્ડની 11 મળીને 236 બસો દોડી રહી છે.

અકસ્માત બાદ આજે પત્રકાર સાથેની વાતચીતમાં આરોપી ડ્રાઇવરે કહ્યું કે મને અકસ્માત અંગે દુઃખ છે, પણ મારો વાંકો નથી. જોકે આરોપી ડ્રાઇવરે બીજા સવાલો પર મૌન સેવી લીધુ હતુ. જોકે, પત્રકારોએ સવાલનો મારો ચલાવતા આરોપી કહ્યું કે મારે પણ ઘર-પરિવાર છે. મીડિયાએ સવાલ જવાબની છડી વરસાવતા આરોપીએ કહ્યું હતું કે, આમા મારો કોઈ વાંક નથી. બાઈક ચાલક સ્લીપ થઈ ગયો હતો અને બીઆરટીએસ ચાલકો 45 પર જ ગાડી ચલાવે છે.

BRTSની હડફેટે 8 વર્ષમાં 55 લોકોનાં મોત

અમદાવાદ મ્યુનિસિપલ કોર્પોરેશન સંચાલિત બીઆરટીએસ દર વર્ષે અંદાજે ૨૦૦થી વધુ અકસ્માત સર્જે છે. આ માટે બેદરકારીભરી ડ્રાઇવીંગ કારણભૂત છે. ડ્રાઇવરોને કોઇ તાલીમ અપાતી નથી.માત્ર રોજમદાર ડ્રાઇવરોને રાખીે કોન્ટ્રાકટરો બસોનુ તંત્ર ચલાવી રહ્યાં છે. છેલ્લાં આઠ વર્ષમાં આ જ બીઆરટીએસે ૨૧૦૦થી વધુ અકસ્માતો સર્જાયાં છે જેમાં ૫૫થી વધુ લોકોના મોત નિપજ્યાં છે. આ અકસ્માતમાં કેટલાંય પરિવારોના કુળદિપકો બુઝાયાં છે. અકસ્માત બાદ કોર્ટે મૃતકોની તરફેણ ચૂકાદા આપ્યાં છે જેના કારણે અમદાવાદ મ્યુનિસિપલ કોર્પોરેશનને રૂા.૫૬.૪૯ વ્યાજ સાથે વળતર ચૂકવવા આદેશ કરાયો છે. હવે તો અમદાવાદીઓએ બીઆરટીએસ જ બંધ કરવા માંગ ઉઠાવી છે.

CCTV કેમેરાના ફુટેજ સામે ઉભા થયેલા ગંભીર પ્રશ્નો

પાંજરાપોળ ચાર રસ્તા પર અકસ્માત થયો તે સ્થળના મીડિયામાં મુકાયેલાં સીસીટીવી કેમેરાના ફુટેજ અત્યંત ઝાંખા, બ્લર અને અવ્યવસ્થિત છે. પાંજરાપોળ જેવા ભરચક વિસ્તારના કેમેરાની ક્વોલિટી કેટલી બોગસ છે, તેનો આ નમૂનો છે. ચાર રસ્તા પર ૨૦ જેટલા કેમેરાઓ લાગેલા હોય છે, પણ તેમાંથી ભાગ્યે જ ચાલુ હોય છે. કેટલાક કેમેરાને તો કનેકશન પણ નથી હોતું. માત્ર ચલણ ફાડવાના હોય તે કેમેરા જ ચાલુ સ્થિતિમાં હોય છે. મ્યુનિ. દ્વારા સ્માર્ટ સિટી અને ઇ-ગવર્નન્સ ખાતા દ્વારા કરોડો રૂપિયાના ખર્ચે ઠેર ઠેર કેમેરા નખાયા છે અને પાલડીમાં અદ્યતન કંટ્રોલ રૂમ ઉભો કરાયો છે.

BRTSના 4 વર્ષમાં ૨૨ જીવલેણ અકસ્માતો

૨૦૧૬
૨૦૧૭
૨૦૧૮
૨૦૧૯
કુલ૨૨

READ ALSO

Related posts

સરકારે ડીપીએસ સ્કૂલ હસ્તગત કરતા વિદ્યાર્થીઓના ચહેરા પર ફરી આવી મુ્સ્કાન

Nilesh Jethva

ખેડૂત આગેવાનો સાથે આ ધારાસભ્યએ સરકાર સામે નોંધાવ્યો અનોખો વિરોધ

Nilesh Jethva

અમદાવાદથી ભોપાલ, ઉજ્જૈન અને ઇન્દોર સુધી વોલ્વો બસ શરૂ, આવી છે અંદર સુવિધા

Nilesh Jethva
Do NOT follow this link or you will be banned from the site!