અમદાવાદના વિવિધ વિસ્તારોમાં રસ્તા પરથી પસાર થતા રાહદારીઓને રોકીને છરો બતાવી પહેરેલા દાગીનાની લૂંટ કરતી ગેંગના 3 ઈસમોને પોલીસે સોનાના દાગીના તેમજ મોટર સાઈકલ અને એક્ટીવા સહિત રુપિયા 11 લાખ 44 હજાર એકસોના મુદ્દામાલ સાથે ઝડપી પાડ્યા હતા. આ સાથે આઠ નવા ગુનાનો ભેદ ઉકેલવામાં શહેર ક્રાઈમ બ્રાન્ચને સફળતા મળી છે.
શહેર ક્રાઈમ બ્રાન્ચની ટીમે બાતમીના આધારે 3 આરોપીની ધરપકડ કરી
અમદાવાદ શહેર ક્રાઈમ બ્રાન્ચના પો.ઈ બી.એસ.સુથારની ટીમને બાતમી મળી હતી કે, અગાઉ હથિયારનાં ગુનામાં પકડાયેલા શિવસિંગ ઉર્ફે આશુ સીકરવાર તથા તેના સાંગરીતો અમદાવાદના જુદા-જુદા વિસ્તારોમાં એકલ- દોકલ જતા નાગરિકોને રોકીને ડરાવી-ધમકાવી તેમને પહેરેલા સોનાના દાગીનાની લૂંટ કરી તેને વેચવા માટે નંબર વગરની બાઈક લઈ પોતાના ઘરેથી ખોડીયાર માતાજીના મંદિર થઈ ઠક્કરનગર તરફ જવા નિકળ્યા છે.
પોલીસ પુછપરછ દરમ્યાન વધુ આઠ કેસનો ભેદ ઉકેલાયો
બાતમીના આધારે શહેર ક્રાઈમ બ્રાન્ચે નિકોલ ખોડીયાર માતાના મંદિર પાસેથી શિવસિંગ ઉર્ફે આશુ સીકરવાર અને તેના સાંગરીતો દિલીપ ઉર્ફે ભૂરો રોશનભાઈ રાજપુત, રાજારામ ઉર્ફે સોનુ રાજકમલ યાદવને સોનાના દાગીના તેમજ મોટર સાઈકલ અને એક્ટીવા સહિત રુપિયા 11 લાખ 44 હજાર એકસોના મુદ્દામાલ સાથે 3ને ઝડપી પાડ્યા હતા. આ ઉપરાંત પોલીસની પુછપરછ દરમ્યાન વધુ આઠ કેસનો ભેદ ઉકેલાયો હતો. પોલિસે ત્રણેય આરોપીને ઝડપી વધુ કાર્યવાહી હાથ ધરી છે.
READ ALSO
- ‘સેંગોલ’ મુદ્દે શશિ થરૂરે કોંગ્રેસના વિચારોથી વિપરીત કેન્દ્ર સરકારની દલીલને આપ્યું સમર્થન
- તારીખ 29-05-2023, જાણો સોમવારનું રાશિફળ
- નરેન્દ્ર મોદી સ્ટેડિયમમાં પ્રેક્ષક મહિલાએ પોલીસકર્મી સાથે કર્યું અસભ્ય વર્તન, જુઓ વિડીયો
- બ્રેકિંગ / ગુજરાત ટાઈટન્સ – ચેન્નઈ સુપર કિંગ્સ વચ્ચેની ફાઈનલ મેચ આખરે મોકૂફ, આવતીકાલે સોમવારે રમાશે
- સિદ્ધપુરમાં માનવ અવશેષો મળી આવવાનો સિલસિલો યથાવત, ખોપડીનો ભાગ મળી આવ્યો