અન્ય રાજ્યોમાં કરતા પણ વધુ મોત અમદાવાદમાં નોંધાઈ રહ્યા છે. કોરોનાથી મોતને મામલે મુંબઈ બાદ અમદાવાદનો નંબર આવે છે. મુંબઈમાં 909ના મોત થયા છે ત્યાર બાદ અમદાવાદમાં 645 લોકોના મોત થયા છે. મુંબઈમાં 27251 કેસ છે જેમાંથી 6096 સાજા થયા છે અને 909ના મોત થયા છે. જ્યારે અમદાવાદમાં 9724 કેસમાં જ 645 લોકોના જીવ ગયા છે. અને 3658 લોકો સાજા થયા છે. અમદાવાદનો રિકવરી રેટ 140 ટકાએ પહોંચ્યો છે. જે દેશમાં સૌથી વધારે છે પણ મોતનો દર પણ સૌથી વધારે છે. સૌથી વધારે કેસો મહારાષ્ટ્રમાં છે મુંબઈમાં દર 100 કોરોના પોઝિટિવ વ્યક્તિએ 3ના મોત થાય છે. જ્યારે અમદાવાદમાં 7 લોકોના મોત થાય છે.
અમદાવાદમાં 9724 Corona પોઝિટીવ કેસ
ગઇકાલ સુધીમાં મ્યુનિ. કોર્પોરેશનની હદમાં થયેલાં કુલ 612 મૃત્યુમાં સૌથી વધુ સિવિલમાં 370, સોલા સિવિલમાં 32, એસવીપી હોસ્પિટલમાં 124 અને અન્ય હોસ્પિટલો તેમજ કોવિડ કેર સેન્ટરોમાં થયેલાં મૃત્યુનો આંકડો 86નો છે. અમદાવાદમાં 9724 કોરોના પોઝિટવ કેસ નોંધાયા છે જેમાંથી 645 લોકોના મોત થઈ ચુક્યા છે. 3658 પેશન્ટ સાજા થઈ ગયા છે. ગુજરાતમાં 13268 કેસ છે જેમાંથી 802ના મોત થઈ ચુક્યા છે જ્યારે 5880 લોકો સાજા થઈ ચુક્યા છે.
કોંગ્રેસના કોર્પોરેટરનો પણ Corona રિપોર્ટ પોઝિટીવ
કોંગ્રેસના ઈન્ડિયાકોલોની વોર્ડના કોર્પોરેટર યથવંત યોગીનો કોરોના રિપોર્ટ પોઝિટિવ આવ્યો છે. તેઓ પાંચમાં કોર્પોરેટર છે જે કોરોનાનો શિકાર બન્યા છે. આ પહેલા ગોતા અને મણિનગર વોર્ડમાં ભાજપના કોર્પોરેટરનો રિપોર્ટ પોઝિટિવ આવ્યો હતો. તો બહેરામપુરા વોર્ડના કોંગ્રેસના બે કોર્પોરેટરનો પણ કોરોના રિપોર્ટ પોઝિટિવ આવ્યો હતો. જેમાં બદરુદ્દીન શેખનું નિધન પણ થયું હતું. તો ધારાસભ્ય ઇમરાન ખેડાવાલા પણ કોરોનાનો ભોગ બની ચુક્યા છે.
અમદાવાદમાં Corona સંક્રમિતોની સંખ્યા 10,000ની નજીક
અમદાવાદમાં કોરોના સંક્રમિતોની સંખ્યા 10,000ની નજીક પહોંચી ગઈ છે. લોકોની સાથે કોરોના વોરિયર પણ તેનો ભોગ બની રહ્યાં છે. તો હવે શહેરમાં વધુ એક કોર્પોરેટર કોરોના વાયરસનો શિકાર બન્યા છે. ઈન્ડિયાકોલોની વોર્ડના કોંગ્રેસના કોર્પોરેટર યશવંત યોગીનો કોરોના વાયરસનો રિપોર્ટ પોઝિટિવ આવ્યો છે. આમ અમદાવાદમાં અત્યાર સુધી કુલ પાંચ કોર્પોરેટરો અને એક ધારાસભ્ય કોરોનાનો શિકાર બની ચુક્યા છે.
Read Also
- ચીનનાં કોવિડ-19નો ખુલાસો કરનારા છઠ્ઠા ડોક્ટરનું નિધન, ત્વચા પડી ગઈ હતી કાળી
- બનાસકાંઠાનાં ખેડૂતોને પડ્યાં પર પાટું : માર્કેટ યાર્ડમાં તૈયાર પાકની બોરીઓ પલળી, ખેતરોમાં ઉભા પાક પણ જમીન દોસ્ત
- દિલ્હી-NCRની સીમાઓ ઉપર ગતિરોધ ખતમ કરવા માટે SCએ ભર્યા પગલા, કેન્દ્રને સોંપી સમાધાનની જવાબદારી
- 5 જૂનના રોજ છે છાયા ચંદ્રગ્રહણ : તમારા જીવનમાં કેવી કરશે અસર, રાશીને આધારે જાણો કેવું મળશે ફળ
- પૃથ્વી નજીકથી પસાર થશે એસ્ટરોઇડ્સ જેની સ્પીડ પ્રતિ સેકન્ડ 12.66 કિમી. અને 5 ફૂટબોલના મેદાનની બરાબર હશે સાઈઝ