અમદાવાદ શહેરના બાપુનગરમાંથી ચોંકાવનારા અહેવાલ સામે આવ્યા છે. જેમાં શહેરના બાપુનગરની ઈએસઆઈસી મોર્ડન જનરલ હોસ્પિટલનો સુપરવાઈઝર રૂ.૧૫ હજારની લાંચ લેતા એસીબીના હાથે ઝડપાયો હતો. મંગળવારે એસીબીએ આરોપીની ધરપકડ કરી કાર્યવાહી કરી હતી. આરોપીએ ફરિયાદીને હાઉસકીપીંગના કામ પર રાખવા અને બીજા વિભાગમાં બદલી ના કરવા માટે લાંચ માંગી હતી.
હાઉસકીપીંગ ખાતે કામ પર રાખવા અને બીજા વિભાગમાં ના બદલવા લાંચ માંગી
બાપુનગર ખાતે આવેલી ઈએસઆઈસીની હોસ્પિટલમાં કોન્ટ્રેક્ટ પર કામ કરતા ફરિયાદી પાસે સુપરવાઈઝર અશોકભાઈ સદાભાઈ પરમારે રૂ.૧૫ હજારની લાંચની માંગણી કરી હતી. ફરિયાદીને હાઉસકીપીંગના કામ પર રાખવા અને બીજા વિભાગમાં ના બદલવા માટે આરોપીએ લાંચની માંગણી કરી હતી.
એસીબીને ફરિયાદ કરી
ફરિયાદી લાંચની રકમ આપવા માંગતા ના હોવાથી તેઓએ આ બાબતે એસીબીને ફરિયાદ કરી હતી. એસીબીએ લાંચનું છટકું ગોઠવીને આરોપી અશોક પરમારને બાપુનગર ઈએસઆઈસીની મોર્ડન જનરલ હોસ્પિટલમાં લાંચ લેતા રંગેહાથ ઝડપ્યો હતો. પોલીસે આરોપીને અટકમાં લઈને પૂછપરછ હાથ ધરી છે.
READ ALSO
- ‘સેંગોલ’ મુદ્દે શશિ થરૂરે કોંગ્રેસના વિચારોથી વિપરીત કેન્દ્ર સરકારની દલીલને આપ્યું સમર્થન
- તારીખ 29-05-2023, જાણો સોમવારનું રાશિફળ
- નરેન્દ્ર મોદી સ્ટેડિયમમાં પ્રેક્ષક મહિલાએ પોલીસકર્મી સાથે કર્યું અસભ્ય વર્તન, જુઓ વિડીયો
- બ્રેકિંગ / ગુજરાત ટાઈટન્સ – ચેન્નઈ સુપર કિંગ્સ વચ્ચેની ફાઈનલ મેચ આખરે મોકૂફ, આવતીકાલે સોમવારે રમાશે
- સિદ્ધપુરમાં માનવ અવશેષો મળી આવવાનો સિલસિલો યથાવત, ખોપડીનો ભાગ મળી આવ્યો