GSTV
Ahmedabad ગુજરાત ટોપ સ્ટોરી

મોટો ખુલાસો / બોપલ ડ્રગ્સ કેસમાં 100 જેટલા આંતરરાષ્ટ્રીય ડ્રગ્સ માફિયાના નામ આવ્યા સામે, તપાસમાં FBIની થઈ એન્ટ્રી

ડ્રગ્સ

અમદાવાદના બોપલમાંથી પકડાયેલા ડ્રગ્સ મામલે મોટો ખુલાસો થયો છે. પકડાયેલા ડ્રગ્સ મામલે પુછપરછમાં 100 જેટલા આંતરરાષ્ટ્રીય ડ્રગ્સ માફિયાના નામ સામે આવ્યાં છે. તમામ ડ્રગ્સ માફિયાઓના નામ એફબીઆઈને આપી દેવાયા છે અને આ કેસમાં તપાસ માટે એફબીઆઈની પણ એન્ટ્રી થઈ છે. એફબીઆઈની ટીમ એનસીબીને સાથે રાખીને તપાસ કરી રહી છે. તપાસમાં સામે આવ્યું કે અમદાવાદમાં પકડાયેલું ડ્રગ્સ વિદેશથી અમદાવાદ કાર્ગો મારફતે આવ્યું હતુ. બોપલમાંથી ડ્રગ્સના 200થી વધુ ડ્રગ્સના પકેજ સાથે આ કેસમાં 8 આરોપોની ધરપકડ થઈ હતી.

બોપલ ડ્રગ્સ કેસ

અમદાવાદના બોપલમાં હાઈપ્રોફાઈલ ડ્રગ્સ રેકેટનો પર્દાફાશ થયો હતો. આરોપી વંદિત પટેલ ડાર્ક વેબ દ્વારા ડ્રગ્સ મંગાવતો હતો જે અમદાવાદમાં 20થી વધુ એડ્રેસ ઉપર ડિલિવર કરાતું હતું. જુદા-જુદા એડ્રેસ ઉપર કુરિયરથી ડ્રગ્સ સપ્લાય થતું હતું. જેથી પોલીસે તમામ મકાન માલિકોને નોટિસ ફટકારી જવાબ પણ લીધો હતો. તપાસમાં ખુલાસો થયો હતો કે આરોપી વંદિત અને તેની ગેંગ બંધ મકાનના એડ્રેસ ઉપર ડ્રગ્સ મંગાવતી હતી અને ત્યાંથી પીક અપ કરી ગુજરાત, મહારાષ્ટ્ર, રાજસ્થાનમાં ડ્રગ સપ્લાય થતું હતું.

ક્રિપ્ટોકરન્સીથી કરવામાં આવ્યું હતું પેમેન્ટ

અમદાવાદ ગ્રામ્ય પોલીસની તપાસમાં સામે આવ્યું છે કે તમામ પાર્સલ કેલિફોર્નિયાથી આવ્યા હતા, જેનું 4 કરોડનું પેમેન્ટ ક્રિપ્ટોકરંસી દ્વારા મોકલવામાં આવ્યું હતું. જે અંગેના પુરાવા સામે આવતા અમદાવાદ ગ્રામ્ય પોલીસે એફબીઆઈને પત્ર લખવાની તૈયારી શરૂ કરી છે. સાથે જ આંતરરાષ્ટ્રીય ડ્રગ્સ સપ્લાયરો વિરુદ્ધ પગલાં લેવાય તે માટે તમામ જરૂરી દસ્તાવેજો પણ મોકલવાની કાર્યવાહી શરૂ કરી છે.

ડ્રગ પેડલર વંદિત પટેલે ન માત્ર ગુજરાત પરંતુ રાજસ્થાન, મહારાષ્ટ્ર અને ચેન્નઈમાં પણ ડ્રગ્સના પાર્સલોની ડિલેવરી લીધી હોવાની આ માહિતી સામે આવી છે. સાથે જ વંદિતની પૂછપરછમાં ખુલાસો થયો છે કે તે તેના મિત્રો સાથે મુંબઈમાં ડ્રગ્સ પાર્ટી પણ યોજી હતી. માટે વંદિતનું નેટવર્ક અન્ય કેટલા રાજ્યોમાં ફેલાયેલું છે તેની તપાસ પણ હાથ ધરવામાં આવી છે.

દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય સમાચાર.

READ ALSO

Related posts

કાળો કેર/ ગુજરાતમાં 91 હજાર પશુઓ લમ્પી વાયરસથી સંક્રમિત, 24 કલાકમાં 110 પશુઓનો ઘાતક વાયરસે લીધો ભોગ

Bansari Gohel

નશાનો કારોબાર/ વડોદરામાં કેમિકલ ફેક્ટરીના નામે ધમધમતી ડ્રગ્સની ફેક્ટરી પર ગુજરાત ATSના દરોડા, ઝડપાયું 200 કરોડનું ડ્રગ્સ

Bansari Gohel

ગુજરાતમાં શરૂ થશે ચોમાસાનો નવો રાઉન્ડ : આગામી 5 દિવસ જામશે વરસાદી માહોલ, ભારેથી અતિભારે વરસાદની આગાહી

Bansari Gohel
GSTV