GSTV
Home » News » SBI અને BOB બાદ હવે આ બેંકે પણ ઘટાડ્યા MCLR, હોમ અને ઓટો લોન થશે સસ્તી

SBI અને BOB બાદ હવે આ બેંકે પણ ઘટાડ્યા MCLR, હોમ અને ઓટો લોન થશે સસ્તી

એસીબીઆઈ (SBI) અને બેંક ઓફ બરોડા (BOB) પછી, અલ્હાબાદ બેંકે હવે તેનાં એમસીએલઆરમાં ઘટાડો કર્યો છે. બેંકે એમસીએલઆરમાં પાંચ બેસિસ પોઇન્ટ ઘટાડવાની જાહેરાત કરી છે. બેંકે તમામ સમયગાળા માટે એમસીએલઆરમાં આ ઘટાડો કર્યો છે. નવા દરો કાપ બાદ 14 ફેબ્રુઆરીથી અમલમાં આવશે. તેનાથી હવે હોમ અને ઓટો લોન સસ્તી થશે.

બેંકે એક રેગ્યુલેટરી ફાઇલિંગમાં જણાવ્યું હતું કે, બેંકની એસેટ લાયબિલિટી મેનેજમેન્ટ કમિટીએ હાલના એમસીએલઆરમાં સુધારો કર્યો છે અને તેનાંથી તમામ જુદા જુદા એમસીએલઆર સમયગાળા માટે તેને પાંચ બેસિસ પોઇન્ટ ઘટાડવાનો નિર્ણય કર્યો છે. આ સાથે, એક વર્ષના બેંચમાર્ક એમસીએલઆર હવે 8.25 ટકા થશે, જે હાલમાં 8.30 ટકા છે. રિટેલ, ઓટોમોબાઈલ અને પર્સનલ જેવી મોટાભાગની ગ્રાહક લોન એક વર્ષ એમસીએલઆર પર આધારિત છે.

એ જ રીતે, ત્રણ અને છ મહિનાના એમસીએલઆર પણ પાંચ બેઝિસ પોઇન્ટના કાપ પછી 7.75 થી 8.10 ટકાની રેન્જમાં આવી ગયા છે. તો સાથે જ, એક મહિનાના એમસીએલઆરમાં કોઈ ફેરફાર નથી. તે 7.85 ટકા છે.

નોંધપાત્ર વાત એ છે કે રિઝર્વ બેંક ઓફ ઇન્ડિયાએ 6 ફેબ્રુઆરીએ જાહેર કરાયેલી વર્તમાન નાણાકીય વર્ષ માટે તેની છેલ્લી નાણાકીય નીતિમાં રેપો રેટમાં કોઈ ફેરફાર કર્યો નથી. આરબીઆઈએ રેપો રેટ 5.15 ટકા જાળવી રાખ્યો હતો.

READ ALSO

Related posts

પ્રજાના પ્રશ્નોને વાચા આપવાને બદલે કોર્પોરેટરો બેઠકમાં ઉંઘતા ઝડપાયા

Nilesh Jethva

વિદ્યાર્થિનીઓના માસિક ધર્મ વિવાદ પ્રકરણમાં આવ્યો નવો વળાંક

Nilesh Jethva

ગુજરાતના આ પ્રસિદ્ધ મંદિર ખાતે 11મી સદીના અવશેષોને ફરી કરાયા જીવંત

Nilesh Jethva
Do NOT follow this link or you will be banned from the site!