GSTV

ભારતીય પત્રકારની હત્યા બાદ તાલિબાનની બેશરમી, કહ્યું- અફઘાનિસ્તાનમાં આવવું હતું તો તાલિબાનની મંજૂરી લેવી જોઈતી હતી

Last Updated on July 22, 2021 by Zainul Ansari

અફઘાનિસ્તાન પર કબજો જમાવવા માટે લડાઈ કરી રહેલું તાલિબાન પોતાની છબિ બચાવવા માટે હવે ભારતના પત્રકાર દાનિશ સિદ્દીકીની હત્યાથી પોતાનો બચાવ કરી રહ્યું છે. સ્પિન બોલ્દક ખાતે તાલિબાન હુમલામાં દાનિશનું મોત થયું હતું. તેઓ તે યુદ્ધગ્રસ્ત ક્ષેત્રમાં મીડિયા કવરેજ માટે ગયા હતા પરંતુ તાલિબાનના હુમલાનો શિકાર બન્યા હતા. દાનિશની આ પ્રકારની હત્યાને લઈ તાલિબાનની ખૂબ ટીકા થઈ રહી છે. આ મામલે ચારે બાજુથી ઘેરાયેલું તાલિબાન હવે હત્યામાં પોતાનો રોલ હોવાનો જ ઈનકાર કરવા પ્રયત્ન કરી રહ્યું છે. સાથે જ બેશરમીપૂર્વક એવો તર્ક આપી રહ્યું છે કે, જો દાનિશે ત્યાં કવરેજ માટે આવવું હતું તો પહેલા તાલિબાનની મંજૂરી લેવી જોઈતી હતી.

અગાઉ અફઘાની સેનાના કમાન્ડર બિલાલ અહમદે તાલિબાનીઓએ કઈ હદે દાનિશના મૃતદેહ સાથે બર્બરતા આચરી હતી તેમ જણાવ્યું હતું. અફઘાન કમાન્ડરે તેના પાછળનું કારણ જણાવતા કહ્યું હતું કે, દાનિશ ભારતીય હતા અને તાલિબાની ભારતને નફરત કરે છે.

તાલિબાનના પ્રવક્તા અને કમાન્ડર મૌલાના યૂસુફ અહમદીએ કંધાર ખાતે એક ઈન્ટરવ્યુમાં અફઘાનિસ્તાનનો આશરે 85 ટકા હિસ્સો તેમના નિયંત્રણમાં આવી ગયો હોવાની માહિતી આપી હતી. સાથે જ બાકીના 15 ટકા વિસ્તાર પર ટૂંક સમયમાં જ નિયંત્રણ મેળવી લેવામાં આવશે તેવી આશા વ્યક્ત કરી હતી. કમાન્ડરે આઈએસઆઈનું કોઈ સમર્થન ન હોવાની અને તેઓ પોતાના બળે જ લડી રહ્યા હોવાની સ્પષ્ટતા કરી હતી.

દાનિશ સિદ્દીકીની હત્યા અંગે કરવામાં આવેલા સવાલના જવાબમાં કહ્યું કે, દાનિશને અમે નથી માર્યો. તે દુશ્મન સેના સાથે હતો અને જો કોઈ પત્રકારે અહીં આવવું છે તો તે અમારા સાથે વાત કરે. અમે પહેલેથી જ દેશમાં પત્રકારોના સંપર્કમાં છીએ.

Read Also

Related posts

NEET 2021 : કેન્દ્રની જાહેરાત બાદ મેડિકલમાં લાગૂ થયું અનામત, NTA દ્વારા જાહેર કરાયું સુધારેલ નોટિફિકેશન

Pravin Makwana

રાહત/ SBI Home Loanને લાવી ખુશખબર, મોનસુન ધમાકા ઓફરમાં મળશે આ મોટો ફાયદો

Damini Patel

સગીરનો હાથ પકડીને પ્રેમ વ્યક્ત કરવો જાતીય સતામણી નથી: પોક્સો કોર્ટે 28 વર્ષીય આરોપીને નિર્દોષ જાહેર કર્યા

Pravin Makwana
Do NOT follow this link or you will be banned from the site!