Last Updated on February 22, 2021 by Bansari
ચાણક્યને ખૂબ વિદ્વાન માનવામાં આવે છે. ચાણક્ય શિક્ષક હોવા ઉપરાંત અર્થશાસ્ત્ર, કૂટનીતિ શાસ્ત્ર અને સમાજશાસ્ત્ર જેવા અનેક મહત્વપૂર્ણ વિષયોના પણ જાણકાર હતા. આ સાથે જ ચાણક્યએ તે બધી બાબતોનો ગંભીરતાથી અભ્યાસ પણ કર્યો હતો જે માનવીની સફળતા અને નિષ્ફળતાઓમાં મહત્વપૂર્ણ ભૂમિકા ભજવે છે.
ચાણક્ય મુજબ દરેક વ્યક્તિ જીવનમાં સફળ થવા માંગે છે. માણસ સફળ થવા માટે સખત મહેનત કરે છે. પરંતુ કેટલીકવાર પ્રતિભા અને મહેનત પછી પણ સફળતા મળતી નથી. ચાણક્યએ આ વિશે કેટલીક વાતો જણાવી છે, દરેક વ્યક્તિએ આ બાબતો જાણવી જોઈએ.
ચાણક્ય મુજબ આ 4 ગુણોનો વિકાસ કરો
વ્યક્તિ શક્તિશાળી, સાહસિક, વિદ્વાન અને મધુર વાણી બોલનારો હોવો જોઈએ. આ ચાર ગુણોથી, સંપૂર્ણ વ્યક્તિ માટે કંઈ પણ અશક્ય નથી. આ ચાર ગુણો એવા લોકોમાં જોવા મળે છે જે જીવનમાં મોટી સફળતા પ્રાપ્ત કરે છે.
को हि भार: समर्थनां कि दूरं व्यवसायिनाम्
को विदेश: सविद्यानां क: पर: प्रियवादिनाम्.
ચાણક્ય નીતિના આ શ્લોકનો ભાવ એ છે કે શક્તિશાળી વ્યક્તિ માટે કોઈ કાર્ય મુશ્કેલ નથી. ઉદ્યોગપતિ માટે કોઈ સ્થાન દૂર નથી. એ જ રીતે, વિદ્વાન માટે કોઈ સ્થાન દૂર નથી. વિદેશ પણ વિદ્વાન માટે નજીક છે. કારણ કે દરેક દેશ આવા લોકોને માન આપવા માંગે છે. ચોથો ગુણ છે, મધુર વાણી બોલનાર માટે કોઈ પારકુ નથી, તે દરેકને પોતાનાં બનાવી લે છે.
ચાણક્યના આ શ્લોકમાં સફળતાનો મંત્ર છુપાયેલો છે. જે વ્યક્તિ પોતાની અંદર આ ગુણોનો વિકાસ કરે છે તેના માટે સફળતા મેળવવી સરળ બની જાય છે. આ ગુણોવાળી વ્યક્તિ દરેક કાર્ય કરી શકે છે. મોટા લક્ષ્યોને પણ સરળતાથી હાંસેલ કરી શકે છે. તેથી, જો તમે જીવનમાં સફળતા પ્રાપ્ત કરવા માંગતા હો, તો આ ગુણોનો વિકાસ કરો.
Read Also
- વાયરલ વીડિયો / ‘ફાયર પાણીપુરી’ ખાતી અમદાવાદની મહિલાનો વીડિયો વાયરલ, ખૂબ પસંદ કરી રહ્યા છે લોકો
- Body Detox/ શરીરને ડીટોક્સ કરવામાં આ વસ્તુનો જવાબ નહિ, ફાયદા જાણી રોજ કરશે સેવન
- BREAKING : કર્ણાટકમાં ત્રાટક્યું ઓમીક્રોન, 69 વિદ્યાર્થીઓ નીકળ્યા કોરોના સંક્રમિત
- અગત્યની વાત / આધારને લગતું આ કામ તરત જ કરી લો, નહીં તો ભરવો પડશે ભારે દંડ; બધા યુઝર્સ પર લાગુ
- કેવડિયામાં BJPની ઓબીસી રાષ્ટ્રીય મોરચાની કારોબારીનું સમાપન, બિહારના નાયબ મુખ્યપ્રધાન પણ રહ્યાં હાજર