એન્ટી કરપ્શન બ્યુરો દ્વારા કલોલના 2 સરકારી બાબુઓની ધરપકડ કરવામાં આવી છે. પકડાયેલા બંને સરકારી બાબુઓ માંથી એક મામલતદાર તરીકે ફરજ બજાવતાં અને તેમના સાથી કર્મચારીઓ હોવાનું સામે આવ્યુ છે. એસીબીની ટીમને મળેલી ચોક્કસ માહિતી આધારે આ છટકું ગોઠવવામાં આવ્યુ. જેમાં ગુનામાં ફરીયાદીના શેઠે મુલસણા ગામની બિનખેતી જમીનની તેઓના ટ્રસ્ટમાં વેચાણની ૨૩ એન્ટ્રી કરાવવા સારૂ અરજી મામલતદાર કચેરીમાં અરજી કરી હતી.
એક એન્ટ્રી દીઠ ₹ 12 હજારની એમ કુલ 23 એન્ટ્રી માટે ₹ 2.76 લાખની માંગણી કરવામાં આવેલી
જોકે આ એક એન્ટ્રી દીઠ ₹ 12 હજારની એમ કુલ 23 એન્ટ્રી માટે ₹ 2.76 લાખની માંગણી કરવામાં આવેલી. પરંતુ ફરિયાદીને ભ્રષ્ટાચાર માટે માંગણી કરવામાં આવેલ પૈસા આપવા નો હતા જે સંદભે ACBને જાણ કરી અને મામલતદારની ટીમ સાથે રકઝકના અંતે રાઉન્ડ ફીગર 2.50 લાખમાં 23 એન્ટ્રી કરવાનું નક્કી થયું. પરંતુ આ ઉપરાંત ઈ-ધરા માંટે 10 હજાર ની રકમનો વધારો કરી કુલ ₹ 2.60 લાખની માંગણી કરી હતી. જે લાંચના નાણાં ફરિયાદી આપવા માંગતા ન હોય, ફરિયાદીએ ACB નો સંપર્ક કરતા ACB મહેસૂલ શાખામાં જ છટકૂ ગોઠવી લાંચના કેસમાં પકડાયા.
મામલતદાર મયંક પટેલે ફરિયાદીને આ રૂપિયા નાયબ મામલતદાર પ્રવિણભાઈ પરમારને આપવાનું કહ્યુ
મામલતદાર મયંક પટેલે ફરિયાદીને આ રૂપિયા નાયબ મામલતદાર પ્રવિણભાઈ પરમારને આપવાનું કહ્યુ. જેથી કોઈને શંકા ના જાય પરંતુ નાયબ મામલતદારે પણ આ રૂપિયા ઈ-ધરા શાખાના ઓપરેટર નિખિલ પાટીલને બોલાવી ફરિયાદી પાસેથી સ્વીકાર્યા હતા. જેને પગલે ત્રણેય આરોપીઓ એકબીજાની મદદગારી કરી પોતાના રાજયસેવક તરીકેના હોદ્દાનો દુરુપયોગ કરી ભ્રષ્ટાચાર આચરતા.મામલતદાર અને ઇશાખાના ઓપરેટરને રોકડ ₹ 2.60 લાખ સાથે પડકી લીધા હતા. જોકે અન્ય બે મદદગાર આરોપીઓ હાલ ફરાર છે તેને પકડવા માટે પણ એસીબીની ટીમ કામે લાગી છે જોકે પકડાયેલા બંને આરોપીઓ અગાઉ પણ કેટલાક લોકો પાસેથી કામ કરાવવા માટે રૂપિયા લીધા હોવાની આશંકાને પગલે ACBએ તેમના ઘરે અને ઓફિસમાં પણ સર્ચ ઓપરેશન હાથ ધર્યું હતું. ત્યારે આવનારા દિવસોમાં તપાસ બાદ વધુ ખુલાસાઓ સામે આવી શકે તેમ છે.
READ ALSO
- BIG BREAKING / ઉદ્ધવ સરકારની આવતીકાલે અગ્નિપરીક્ષા, સુપ્રીમ કોર્ટનો ‘સુપ્રીમ’ ચુકાદો
- BIG BREAKING / સુપ્રીમકોર્ટે ફ્લોર ટેસ્ટ પર નિર્ણય સુરક્ષિત રાખ્યો, ટૂંક સમયમાં મહત્વનો ચુકાદો આપશે
- મહારાષ્ટ્રના સત્તા સંઘર્ષમાં અમિત શાહની એન્ટ્રી : ભાજપ હવે ઉદ્ધવ સરકારને ઉથલાવી દેશે
- પુત્ર આકાશ પછી પુત્રી ઈશાને આ બિઝનેસ સોંપી શકે છે મુકેશ અંબાણી, રિલાયન્સ ઈન્ડસ્ટ્રીના ચેરમેને બનાવ્યો ખાસ પ્લાન
- નૂડલ્સ તો ઘણા ખાધા હશે, આજે ટ્રાય કરો કોકોનટ સૂપ નૂડલ્સ-સ્વાદમાં આવશે પોઝિટીવ બદલાવ