યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ ગ્રાહકો માટે આધાર વેરિફિકેશનની રકમ 20 રૂપિયાથી ઘટાડીને 3 રૂપિયા કરી દીધી છે. એક ઈવેન્ટને સંબોધતા UIDAIના ચીફ એક્ઝિક્યુટિવ ઓફિસર (CEO) સૌરભ ગર્ગે આ અંગે માહિતી આપી અને કહ્યું કે આધારનો લાભ લેવા માટે નાણાકીય ટેક્નોલોજી ક્ષેત્રમાં અપાર સંભાવનાઓ છે.
વેરિફિકેશન રેટ 20 રૂપિયાથી ઘટાડીને 3 રૂપિયા કરાયો
સૌરભ ગર્ગે કહ્યું, ‘અમે પ્રતિ વેરિફિકેશનનો દર 20 રૂપિયાથી ઘટાડીને 3 રૂપિયા કર્યો છે. તેનો હેતુ એ સુનિશ્ચિત કરવાનો છે કે વિવિધ એજન્સીઓ અને સંસ્થાઓ સરકાર દ્વારા બનાવવામાં આવેલ ડિજિટલ ઈન્ફ્રાસ્ટ્રક્ચરનો વધુ સારી રીતે ઉપયોગ કરી શકે. લોકોનું જીવન માન-સન્માન સાથે સરળ બનાવવા માટે આ માળખાકીય સુવિધાઓનો ઉપયોગ જરૂરી છે.
99 કરોડ લોકોએ ઉપયોગ કર્યો
અત્યાર સુધીમાં, 99 કરોડ ઇ-કેવાયસી (તમારા ગ્રાહકને જાણો) માટે આધાર સિસ્ટમનો ઉપયોગ કરવામાં આવ્યો છે. UIDAI કોઈની સાથે બાયોમેટ્રિક્સ શેર કરતું નથી અને અપેક્ષા રાખે છે કે તેના તમામ ભાગીદારો ઓથોરિટીની જેમ સમાન સ્તરની સુરક્ષા અને ગોપનીયતા જાળવી રાખે.
હકીકતમાં, નવું આધાર કાર્ડ મેળવવા માટે પૈસા ચૂકવવા પડતા નથી. પરંતુ, તમારે આધાર અપડેટ કરવા માટે ચાર્જ ચૂકવવો પડશે જેમ કે નામ, સરનામું, જન્મ તારીખ, ઈ-મેલ વગેરેમાં સુધારો. ડેમોગ્રાફિક અપડેટ માટે 50 રૂપિયા અને બાયોમેટ્રિક અપડેટ માટે 100 રૂપિયા ચૂકવવાના રહેશે.
દેશમાં આધાર જરૂરી દસ્તાવેજ
આધાર દેશમાં મહત્વનો દસ્તાવેજ છે. કેન્દ્ર સરકારે તમામ યોજનાઓને આધાર સાથે લિંક કરી દીધી છે. 54 મંત્રાલયોની લગભગ 311 કેન્દ્રીય યોજનાઓ આધારનો ઉપયોગ કરીને ડાયરેક્ટ બેનિફિટ ટ્રાન્સફર (DBT) પ્લેટફોર્મ હેઠળ આવરી લેવામાં આવી છે.
સરકાર દ્વારા ખેડૂતો માટે ચલાવવામાં આવતી યોજનાઓ જેવી કે પીએમ-કિસાન નિધિ યોજના આધાર પ્લેટફોર્મ પર આધારિત છે, જે અંતર્ગત લગભગ 10 કરોડ ખેડૂતોને દર ચાર મહિને 2000 રૂપિયા ટ્રાન્સફર કરવામાં આવે છે. આધાર વેરિફિકેશનનો અર્થ એ છે કે આધાર નંબરનો ઉપયોગ યોજનાના લાભાર્થીને યોગ્ય રીતે ઓળખવા માટે કરવામાં આવી રહ્યો છે.
Read Also
- ચેતી જજો! રાજ્યમાં ઘાતક કોરોનાનો કહેર વધ્યો! અમદાવાદ શહેરના નદી પારના વિસ્તારોમાં કેસોમાં ચિંતાજનક વધારો
- રૂપિયા સામે પાઉન્ડ તથા યુરોના ભાવ ઉંચકાયા : ડોલરમાં બેતરફી વધઘટ
- જાણો આજનુ તા.22-3-2023, બુધવારનું પંચાંગ
- જાણો આજનું 22 માર્ચ, 2023નું તમારું રાશિ ભવિષ્ય
- મનમાની? ભાજપના ચેરમેનની એસ્ટેટ વિભાગ ગાંઠતુ ન હોવાની કમિશ્નરને ફરીયાદ, ૮૦૦ લાભાર્થીઓએ તેમના આવાસ ભાડેથી આપી દીધા