GSTV

અડવાણીની ટીકિટ કપાતા કોંગ્રેસનો કટાક્ષ, કહ્યું- ધુરંધર સાંસદનું સ્થાન એક તડીપાર લઈ રહ્યો છે

Last Updated on March 22, 2019 by

ભાજપ દ્વારા ગુરૂવારે સાંજે જાહેર કરવામાં આવેલી ઉમેદવારોની પ્રથમ યાદીમાં લાલકૃષ્ણ અડવાણીની ટીકિટ કપાતા કોંગ્રેસે શાબ્દિક પ્રહાર કર્યો છે. કોંગ્રેસી નેતા પીએલ પુનિયાએ કહ્યું, અડવાણી જેવા ધુરંધર સાંસદની જગ્યાએ તડીપાર રહેલા અમિત શાહ (ગાંધીનગર બેઠક પરથી ઉમેદવાર) લઇ રહ્યાં છે. જોકે, જનતા બધુ જાણે છે કે આ કઈ રીતે બદલાયું અને પાર્ટી સંપૂર્ણ રીતે એક વ્યક્તિના તાબા હેઠળ ચાલે છે.

પીએલ પુનિયાએ અડવાણીના સ્થાને અમિત શાહને ટીકિટ આપ્યા બાદ કહ્યું કે, લાલકૃષ્ણ અડવાણી જેવા ઉત્કૃષ્ટ સાંસદને તડીપાર અમિત શાહ દ્વારા પ્રતિસ્થાપિત કરવામાં આવ્યા છે. હવે લોકોને જાણવા મળ્યું છે કે ભાજપ ફક્ત અમિત શાહ દ્વારા સંચાલિત કરાઈ રહી છે. વિચારવા જેવી વાત છે કે 1991માં પ્રથમ વખત ગાંધીનગર બેઠક પરથી લોકસભા ચૂંટણી લડનારા અડવાણીએ 1998, 1999, 2004, 2009 અને 2014માં થયેલી ચૂંટણીમાં જીત પ્રાપ્ત કરી હતી. હવે આગામી ચૂંટણીમાં ભાજપ અધ્યક્ષ અમિત શાહ ગાંધીનગરથી ચૂંટણી લડશે.

જૈન હવાલા ડાયરી મામલામાં તેમના નામનો ઉલ્લેખ થયા બાદ ફક્ત એક વખત 1996માં અડવાણીએ ચૂંટણી લડી નહોતી. ભાજપે ગુરૂવારે સાંજે 11 એપ્રિલથી શરૂ થયેલી લોકસભા ચૂંટણી માટે વડાપ્રધાન નરેન્દ્ર મોદી, પાર્ટી અધ્યક્ષ અમિત શાહ, ગૃહ પ્રધાન રાજનાથ સિંહ અને ટેક્સટાઈલ પ્રધાન સ્મૃતિ ઈરાની સહિત 184 ઉમેદવારોના નામોની જાહેરાત કરી હતી. દેશમાં સાત તબક્કામાં ચૂંટણી થવાની છે. 23મેના રોજ લોકસભા બેઠકનું પરીણામ આવશે.

READ ALSO

Related posts

ગુલાબ ગેંગ/ યુપી વિધાનસભા ચૂંટણીમાં BJPના મૂળિયા ઉખેડવા ગુલાબી ગેંગ પણ તૈયાર, જો અમારી વાત નહીં સાંભળે તો CMને પણ ધમકી આપીશું

Pravin Makwana

ખેડૂત ભાઈઓ માટે કામના સમાચાર/ રજીસ્ટ્રેશન કરવામાં જો નાની એવી ભૂલ હશે તો પણ અટકી જશે આપના રૂપિયા, ફટાફટ સુધારી નાખો ભૂલ

Pravin Makwana

સુવિધા/ કોઈ પણ બિમારીની સલાહ માટે ડોક્ટરને ત્યાં લાંબી લાઈનોમાં ઊભા રહેવાની જરૂર નથી, હવે વોટ્સએપ પર મળશે ડોક્ટર

Pravin Makwana
Do NOT follow this link or you will be banned from the site!