GSTV
India News ટોપ સ્ટોરી

BREAKING : મુંબઈનાં તારદેવ વિસ્તારમાં 20 માળની ઈમારતમાં ભીષણ આગ, 7નાં મોત તો 19 લોકોનું કરાયું રેસ્ક્યુ

Kamala-building-Fire

મુંબઈનાં તાડદેવ વિસ્તારમાં ભીષણ આગ લાગી હોવાનું સામે આવ્યું છે. આ ઘટના કમલા સોસાયટી નામની રહેણાંક મકાનમાં બની હતી. હાલમાં ફાયર બ્રિગેડની 13 ગાડીઓ અને 5 એમ્બ્યુલન્સ ઘટનાસ્થળે પહોંચી ગઈ છે અને આગ પર કાબુ મેળવવાનાં પ્રયાસો પણ શરૂ છે.

આ દુર્ઘટનામાં અત્યાર સુધીમાં 15 લોકો આગમાં દાઝ્યાં હોવાની માહિતી સામે આવી રહી છે. હાલમાં આ તમામને હોસ્પિટલાઇઝ કરવામાં આવ્યાં છે. હાલમાં રેસ્ક્યુ અભિયાન શરૂ છે. તાજેતરની મળતી જાણકારી અનુસાર, આ દુર્ઘટનામાં 7 લોકોનાં મોત પણ નિપજ્યાં છે.

અગાઉ નૈયર હોસ્પિટલનાં ડોક્ટરે જણાવ્યું હતું કે, ‘તેઓની હોસ્પિટલમાં 4 લોકોને ગંભીર હાલતમાં લાવવામાં આવ્યાં છે. જેમાંથી 2નાં મોત થઇ ચૂક્યાં છે તો 2ની હાલત હાલમાં ગંભીર છે.’ મુંબઇની મેયર કિશોરી પેડનેકરે જણાવ્યું કે, ‘હોસ્પિટલનાં લોકોએ દર્દીઓને ભરતી કરવાની સ્પષ્ટ ના કહી દીધી છે. અમે પહેલાં જાણીશું કે, આ લોકોએ આવું કેમ કર્યું અને આ વાતની જાણકારી તેઓ BMC ને પણ આપશે.

આગની લપેટમાં સપડાયેલા બે લોકોને તાત્કાલિક હોસ્પિટલ ખાતે ખસેડવામાં આવ્યાં

અધિકારીઓનું કહેવું છે કે, આગ પર કાબુ મેળવવા અને ફસાયેલા લોકોને બચાવવાના પ્રયાસો શરૂ છે. આગની લપેટમાં સપડાયેલા બે લોકોને તાત્કાલિક હોસ્પિટલ ખાતે ખસેડવામાં આવ્યાં છે. જો કે તેઓની તબિયત હાલમાં કેવી છે તે અંગે કોઈ જ નક્કર માહિતી નથી. અધિકારીઓનું કહેવું છે કે, આગ કયા કારણોસર લાગી છે તે અંગે તાત્કાલિક કહેવું કંઈ પણ મુશ્કેલ છે. પરંતુ શોર્ટ સર્કિટની શક્યતા નકારી શકાય એમ નથી. મુંબઈના મેયરે કહ્યું કે, આગના કારણની તપાસ કરવામાં આવશે. બિલ્ડિંગનું ફાયર સેફ્ટી ઓડિટ થયું છે કે પછી તેમાં કોઈ બેદરકારી થઈ છે તે જોવામાં આવશે.

READ ALSO :

Related posts

મહત્વનો નિર્ણય / નાઇટ શિફ્ટ માટે મહિલાઓની સંમતિ લેવી પડશે, સરકારી અને ખાનગી ક્ષેત્ર બંને પર થશે લાગુ આ નિયમ

Hardik Hingu

Anemia in Indian Population : રક્તકણની ઉણપ ધરાવતા દેશના બાળકોમાં 9%નો વધારો, 67% બાળકો એનિમિક; નેશનલ હેલ્થ સર્વેમાં ખુલાસો

GSTV Web Desk

અમેરિકા અમને બદનામ કરવાનું બંધ કરે ‘બીજા શીતયુદ્ધ’ની ટીકા સામે ચીનનો વળતો પ્રહાર

GSTV Web Desk
GSTV