GSTV
Gujarat Government Advertisement

નવો કાયદો/ અત્યારથી જ જાણી લો નવા નિયમો કારણ કે પગાર હાથમાં આવે ત્યારે ઝટકો ના લાગે, નોકરિયાતોનો પગાર ઘટી જશે

Last Updated on March 6, 2021 by Karan

કેન્દ્રની નરેન્દ્ર મોદી સરકાર 1 એપ્રિલથી નવો ‘ લેબર કોડ’ લાગુ કરવા જઈ રહી છે. નવો ‘મજૂર કાયદો’ લાગુ થતાં પગાર સહિત અન્યનું સ્ટ્રક્ચર બદલાઇ જશે. જેની અસર સીધી કર્મચારીઓ ઉપર પડશે. નવા ‘લેબર લો’ના ઘણા ફાયદા સાથે ઘણા ગેરફાયદા છે. પ્રથમ એ છે કે નવા મજૂર કાયદાના અમલ સાથે, કર્મચારીઓના આ હાથમાં આવતા પગારમાં ઘટાડો થઈ શકે છે. ઉદાહરણ તરીકે, જો આ સમયે તમારો વાર્ષિક પગાર 4 લાખ 80 હજાર છે. તો મહિને 35 હજાર રૂપિયા તમારા ખાતામાં આવશે. પરંતુ નવા મજૂર કાયદાના અમલ સાથે, તમારા મુખ્ય પગારમાં ઘટાડો થઈ શકે છે. તો ચાલો આપણે મજૂર કાયદામાં થતા ફેરફારો વિશે વિગતવાર જણાવીએ.

સેલેરી રિસ્ટ્રક્ચર – કંપનીઓએ તેમના પગારનું માળખું ફરીથી બનાવવું પડશે

નવો ‘મજૂર કાયદો’ લાગુ થયા પછી, કંપનીઓએ તેમના પગારનું માળખું ફરીથી બનાવવું પડશે. કારણ કે નવા નિયમો હેઠળ રજા મુસાફરી (એલટીએ), મકાન ભાડુ, ઓવરટાઇમ અને મુસાફરી ભથ્થા જેવા તમામ ભથ્થાં સીટીસીના 50 ટકા ક્લોઝ રાખવાના રહેશે. આનો અર્થ છે કે કંપોનેટ સીટીસી 50% અથવા વધુ હોવો જોઈએ. આનાથી આ હાથમાં આવતા પગારમાં પણ ઘટાડો થશે.

ગ્રેજ્યુએટી – સિઝનલ કર્મચારીને ગ્રેચ્યુટી ફક્ત 7 દિવસની આપવામાં આવશે

કોઈપણ કંપનીમાં, નિયત મુદત કરાર પર કામ કરતા કર્મચારીઓને તે દિવસના ‘પ્રો રેટા’ આધારે ગ્રેચ્યુટી આપવામાં આવશે. એટલે કે, કોઈપણ કર્મચારી કે જેની પાસે સમાન દિવસોનો કરાર છે તેને ગ્રેચ્યુટી આપવામાં આવશે. તે જ સમયે, આ કાયદાના અમલ પર સિઝનલ કર્મચારીને ગ્રેચ્યુટી ફક્ત 7 દિવસની આપવામાં આવશે.

કોણ ગણાય છે સિઝનલ કર્મચારી?

સિઝનલ કર્મચારીઓ તે છે જે મોસમ દરમિયાન કંપનીમાં કામ કરે છે. ઉદાહરણ તરીકે, હોળીના સમયે, કંપનીમાં રંગ બનાવવા માટે કામ કરતા કર્મચારીઓ અથવા ફટાકડા બનાવતી કંપનીમાં કામ કરતા કર્મચારીઓ.

કર્મચારીઓની પરસ્પર સંમતિથી 4 વર્કિંગ દિવસ કરી શકે

નવા લેબર કોડમાં સરકાર વતી સ્પષ્ટતા કરવામાં આવી છે કે જો કોઈ કંપની ઇચ્છે તો તે કર્મચારીઓની પરસ્પર સંમતિથી 4 વર્કિંગ દિવસ કરી શકે છે. આવી સ્થિતિમાં, કર્મચારીઓને અઠવાડિયાના 48 કલાક પૂર્ણ કરવા માટે 12-12 કલાકની પાળીમાં કામ કરવું પડી શકે છે. જો કે, તેઓને ચોક્કસપણે અઠવાડિયામાં 3 રજા મળશે.

સ્ત્રીઓ માટે આ બદલાશે નિયમો

નવા નિયમો લાગુ થયા પછી મહિલાઓ કંપનીઓમાં તમામ પ્રકારની જોબ માટે હકદાર રહેશે. તે જ સમયે, જો તેઓને ખતરનાક કાર્ય કરાવવાની જરૂરિયાત અનુભવાય છે, તો તેઓ પણ કંપની વતી વધારાની સુરક્ષા પ્રદાન કરવામાં આવશે.

આ માટે સરકારની પરવાનગી લેવાની રહેશે નહીં

નવા મજૂર કાયદા અંતર્ગત 300 કે તેથી ઓછા કર્મચારીઓવાળી કંપનીને શટર ડાઉન કરીને તમામ કર્મચારીઓને દૂર કરવાની મંજૂરી આપી શકાય છે. આ માટે કંપનીએ સરકારની પરવાનગી લેવાની પણ જરૂર નથી. હાલમાં, જો 100 કર્મચારીઓવાળી કંપની કામ કરે છે, તો તેણે સરકારની પરવાનગી લેવી પડશે.

 કર્મચારીઓને વધુ સુરક્ષા આપવા માટેના નિયમો પણ બનાવવામાં આવ્યા

તે જ સમયે, નવા લેબલ કાયદામાં ઓફિસ અથવા ફેક્ટરીમાં કામ કરતી વખતે કર્મચારીઓને વધુ સુરક્ષા આપવા માટેના નિયમો પણ બનાવવામાં આવ્યા છે. વ્યવસાયિક સલામતી કોડ અને આરોગ્ય અને કાર્યકારી શરતોના કાયદામાં તેની જોગવાઈઓ સૂચવવામાં આવી છે.

મોદી સરકારે ૧ એપ્રિલથી નવા વેજ કોડનો અમલ કરવાનું નક્કી કર્યું

લાંબા સમય સુધી ગડમથલમાં રહ્યા પછી નરેન્દ્ર મોદી સરકારે ૧ એપ્રિલથી નવા વેજ કોડનો અમલ કરવાનું નક્કી કર્યું છે. આ કોડનો અમલ થતાં કર્મચારીઓના કામના કલાકોથી માંડીને હાથમાં આવતા પગાર સુધીની બાબતો બદલાઈ જશે. કર્મચારીઓનું પી.એફ. વધારે કપાશે અને ગ્રેચ્યુઈટીમાં પણ વધારો થશે પણ હાથમાં ઓછો પગાર આવશે. કામના કલાકોમાં પણ ફેરફાર થશે.  આ સિવાય બેઝિક પગારના ૫૦ ટકા કરતાં વધારે ભથ્થાં નહીં લઈ શકાય.

૪૪ અલગ અલગ લેબર લોને ભેળવી બનાવેલા 4 લેબર કોડને સંસદે મંજૂરી આપી

મોદી સરકારે ૪૪ અલગ અલગ લેબર લોને ભેળવીને બનાવેલા ચાર લેબર કોડને  સંસદે મંજૂરી આપી દીધી છે અને રાષ્ટ્રપતિની મંજૂરી મળ્યા પછી તેને નોટિફાય પણ કરી દેવાયા છે. બીજા ત્રણ કોડ ૨૦૧૯માં જ્યારે વેજ કોડ ૨૦૨૦માં મંજૂર કરાયો હતો પણ યુનિયનોના વિરોધને કારણે તેનો અમલ નહોતો થતો. મોદી સરકારને હવે નાણાંની જરૂર છે તેથી કોઈ પણ ભોગે આ વેજ કોડનો અમલ કરવાનું નક્કી કર્યું છે. નાણાં મંત્રાલયને ૧ એપ્રિલથી તેનો અમલ કરવાની તૈયારી કરવાની સૂચના પણ આપી દેવાઈ હોવાનું સૂત્રોનું કહેવું છે.

 દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.

READ ALSO

Gujarat Government Advertisement

Related posts

વિશ્વમાં સૌથી ઝડપી રસીકરણ ભારતમાં/ કોરોના વેક્સિનના 13 કરોડ ડોઝ આપવામાં ફક્ત આટલા દિવસનો સમય, સ્વાસ્થ્યમંત્રીએ આપી જાણકારી

Harshad Patel

ખાસ વાંચો/ જો ફ્રીમાં ન મળી કોરોનાની રસી, તો જાણો પ્રાઇવેટમાં કેટલી હશે 1 ડોઝની કિંમત

Bansari

આ 5 વસ્તુઓ ઘરમાં રાખવાથી ક્યારેય પૈસા ની કમી થતી નથી

Pravin Makwana
Do NOT follow this link or you will be banned from the site!