GSTV

રાખજો ખાસ સાવચેતી, મોબાઈલમાંથી 337 એપ્લીકેશન તફડાવે છે તમારી ખાનગી માહિતી

કમ્પ્યુટર ઈમરજન્સી રીસ્પોન્સ ટીમ ઓફ ઈન્ડિયા (સર્ન ઈન)ના અહેવાલમાં બ્લેકરોક નામના માલવેરથી મોબાઈલ યુઝર્સને બચવાની ચેતવણી આપવામાં આવી છે. આ માલવેર મોબાઈલની 337 જેટલી એપ્સને નિશાન બનાવતો હોવાથી ખૂબ જ પ્રાઈવેટ માહિતી તફડાવી શકે છે. આ સરકારી સાઈબર સિક્યુરિટી એજન્સીએ ચેતવણી આપતા કહ્યું હતું કે છેક મે માસથી સક્રિય થયેલો આ માલવેર દુનિયાભરના અસંખ્ય યુઝર્સની માહિતી તફડાવી ચૂક્યો હોવાથી તેનાથી બચવું જરૂરી છે.

બેકિંગ અને વિવિધ પેમેન્ટ એપ્સને નિશાન બનાવે છે

બેકિંગ અને વિવિધ પેમેન્ટ એપ્સને નિશાન બનાવતો આ માલવેર ક્રેડિટ કાર્ડ પીન, પાસવર્ડ, યુઝરનેમ, પેમેન્ટ ડિટેલ વગેરે માહિતી સતત તફડાવતો રહે છે. એટલું જ નહીં, ઈ-મેઈલ અને ઈ-કોમર્સ માટે રજિસ્ટર કરાયેલી વિગતો પણ આ માલવેરની મદદથી હેકર્સ સુધી પહોંચે છે. સર્ન-ઈનના કહેવા પ્રમાણે આ માલવેર ટ્રોઝન પ્રકારનો માલવેર છે અને તે દુનિયાભરમાં સક્રિય થયો છે.

યુઝર્સની પ્રાઈવસી માટે ગંભીર ખતરો

આ માલવેરને બેકિંગની વિગતો ચોરવા માટે ખાસ તૈયાર કરાયો છે. એ પોપ્યુલર એપ્સની વિગતો મેળવીને યુઝર્સની પ્રાઈવસી માટે ગંભીર ખતરો સર્જે છે. એજન્સીએ યુઝર્સને આ માલવેરથી બચવાની સૂચના આપતા કહ્યું હતું કે બેકિંગ અને પેમેન્ટ્સ તેમ જ ઈ-કોમર્સ એપ્સની પ્રાઈવસી પરમિશન ખાસ તપાસી લેવી. એપ ચાલતી હોય એ વખતે જ પરમિશન મળે એવો વિકલ્પ મોબાઈલમાં ઉપલબ્ધ હોય તો એના પર પસંદગી ઉતારવી વધારે સલામત છે. અજાણી લિંક પરથી એપ ડાઉનલોડ ન કરવી. ગૂગલનું નોટિફિકેશન ગૂગલ પ્લે સ્ટોરમાંથી જ અપડેટ કરવું. તેની અલગ લિંક હોય તો તેમાંથી અપડેટ ન કરવું. કોઈ પણ એપને પરમિશન આપતી વખતે ખાસ ધ્યાન રાખવું.

Related posts

ડીજીટલ ઈન્ડિયાની વાતો માત્ર સુફિયાણી! 138 દેશોમાં ભારતનો ‘ડેટા સ્પીડ’ અત્યંત સ્લો,આતંકીસ્તાન કરતા પણ પાછળ

pratik shah

તિરંગો દેશની શાન, મેહબૂબાનું નિવેદન અત્યંત આઘાતજનક- વિપક્ષના આ મામલે આકરા પ્રહાર

pratik shah

આનંદો/ મોદી સરકારે લોનધારકોને આપી દિવાળી ભેટ, બે કરોડ સુધીની લોન પર વ્યાજનું વ્યાજ માફ

pratik shah
Do NOT follow this link or you will be banned from the site!