GSTV
Home » News » ધવલસિંહને લાગ્યો ઝટકો : ભાજપ ડેમેજ કંટ્રોલમાં લાગી, કોંગ્રેસે કર્યો હિસાબ સરભર

ધવલસિંહને લાગ્યો ઝટકો : ભાજપ ડેમેજ કંટ્રોલમાં લાગી, કોંગ્રેસે કર્યો હિસાબ સરભર

બાયડ વિધાનસભાની પેટા ચૂંટણીમાં જંગ જીતવા ભાજપ અને કોંગ્રેસ એડી ચોટીનું જોર લગાવી રહ્યા છે ભાજપે માલપુર ખાતે ૧૫૦ કોંગ્રેસીઓને ખેસ પહેરાવી કોંગ્રેસમાં ગાબડું પાડતા કોંગ્રેસે પણ ભાજપના કાંગરા ખેરવતા હોય તેમ પ્રદેશ નેતા અને ધારાસભ્ય બળદેવજી ઠાકોરની ઉપસ્થિતિમાં શિસ્ત બદ્ધ  પાર્ટી ગણાતી ભાજપના ૧૫૦ થી વધુ કાર્યકરોએ કેસરિયો છોડી પંજાનો હાથ પકડાતા કોંગ્રેસે જાણે હિસાબ સરભર કરી લીધો હોય તેમ કોંગ્રેસ અગ્રણીઓ અને કાર્યકરોએ ભાજપમાં ગાબડું પાડતા ઉત્સાહિત બન્યા હતા ભાજપમાં ધમાચકડી મચી ગઈ હતી અને કોંગ્રેસ વધુ ગાબડાં ન પાડે તે માટે ડેમેજ કંટ્રોલમાં લાગી ગઈ છે. 

150થી વધુ કાર્યકરો કોંગ્રેસમાં જોડાઈ ગયા

વિજયાદશમી પર્વના દિવસે કોંગ્રેસના ઉમેદવાર જશુ ભાઈ પટેલના કાર્યાલય નો પ્રારંભ શક્તિ પ્રદર્શન સાથે કર્યો હતો કોંગ્રેસના પ્રદેશ અગ્રણી અને જીલ્લાના કોંગ્રેસી અગ્રણીઓની ઉપસ્થિતિમાં ૧૫૦ થી વધુ કાર્યકરો ભાજપને રામ રામ કરી કોંગ્રેસમાં જોડાતા કોંગ્રેસના આગેવાનોએ તમામ કાર્યકરોને આવકાર્ય હતા ભાજપના ૧૫૦ થી વધુ કાર્યકરો કોંગ્રેસમાં જોડાતા કોંગ્રેસના ઉમેદવાર જશુભાઈ પટેલ સહીત કોંગ્રેસના અગ્રણીઓ અને કાર્યકરો ગેલમાં આવી ગયા હતા.

પ્રદીપસિંહ જાડેજાની આખરે નજર ક્યાં છે ?

બાયડ વિધાનસભા પેટા ચૂંટણીમાં કોંગ્રેસની પરંપરાગત ગણાતી બેઠક જાળવી રાખવા કોંગ્રેસે જાતિવાદની રાજનીતિમાંથી બહાર આવી લોકચાહના ધરાવતા જશુભાઈ પટેલને ટિકિટ આપી છે કોંગ્રેસના અગ્રણીઓ અને કાર્યકરો બાયડ-માલપુર તાલુકાના ગામડાઓ ખૂંદી રહ્યા છે બીજીબાજુ ગૃહમંત્રી પ્રદીપસિંહ જાડેજાની સીધી નજર હેઠળ બાયડ વિધાનસભા પેટા ચૂંટણી જીતી લેવા ભાજપ એડી ચોટીનું જોર લગાવી કાર્યકર્તાઓની મોટી ફોજ ચૂંટણી પ્રચારમાં લગાવી દીધી છે.

પક્ષમાં આવન-જાવનની પ્રક્રિયા યથાવત્ત રહેશે

રાજકીય અગ્રણીઓના જણાવ્યા અનુસાર ભાજપ સામે કોંગ્રેસે સમક્ષ ઉમેદવાર ઉતારતા જંગ બરાબરીનો જામ્યો છે અને ભાજપ-કોંગ્રેસના કાર્યકરોની બંને પક્ષમાં આવન-જાવન યથાવત રહેશે ચૂંટણીમાં કાર્યકરોનો પક્ષ પલટો હવે સામાન્ય બની રહ્યું છે ભાજપ-કોંગ્રેસ બાયડ વિધાનસભા બેઠક કબ્જે કરવા શામ,દામ અને દંડની નીતિ અપનાવી શકે છે. 

READ ALSO

Related posts

મોદી નહીં હવે રૂપાણી જશે વિદેશ પ્રવાસે, 40 બિઝનેસમેન અને 10 અધિકારી સાથે જશે

Bansari

GTUની પરીક્ષાની તારીખોમાં થયો ફેરફાર, દિવાળી વેકેશનમાં જ જાહેર થઈ હતી પરીક્ષા

Nilesh Jethva

એફટીએફની પાકિસ્તાનને અંતિમ ચેતવણી, બ્લેકલિસ્ટમાંથી આ કારણે બચી ગયુ આતંકિસ્તાન

Nilesh Jethva
Do NOT follow this link or you will be banned from the site!