GSTV
World

Cases
4683475
Active
5863682
Recoverd
525119
Death
INDIA

Cases
235443
Active
394227
Recoverd
18213
Death

મહા વાવાઝોડુ શમી ગયું, કાર્તિકી પુર્ણિમાનો રદ થયેલો મેળો ફરી શરૂ કરવાની થઇ જાહેરાત

મહા વાવાઝોડુ શમી ગયું છે તેથી હવે રદ થયેલા મેળો ફરી શરૂ કરવાની જાહેરાત થઇ છે. કાર્તિકી પુર્ણિમાને હવે ઘડીઓ ગણાઇ રહી છે તેવામાં મેળાની શરૂઆત થવા માંડી છે. ત્યારે આવો નજર કરીએ કાર્તિકી પુર્ણિમાના કેટલાક પારંપરિક અને પ્રાચીન મેળાઓની ગુજરાતનો સૌથી મોટી આસ્થાવાળો મેળો એટલે સોમનાથનો કાર્તિકી પુર્ણિમાનો મેળો. આ મેળા પાછળ એવી માન્યતા છે કે, કૈલાસ મહામેરૂપ્રસાદના નામે ઓળખાતા આ ભવ્ય દેવાલયનાં શિખરની ઉપર કાર્તિક પૂર્ણિમાની રાત્રીએ ચંદ્ર વિશેષ રીતે પ્રકાશે છે. 1955માં સોમનાથ ટ્રસ્ટનાં અધ્યક્ષ મોરારજીભાઇ દેસાઇએ આ મેળાનો પ્રારંભ કરાવ્યો હતો. પહેલા આ મેળો 3 દિવસ માટે થતો હતો જે હવે છેલ્લા 10 વર્ષથી પાંચ દિવસ માટે યોજવામાં આવે છે.

આ ખગોળશાસ્ત્રીય વિશેષતા છે કે, પૂનમની રાત્રીએ બાર વાગ્યે શિવની જ્યારે મહાપૂજા થાય છે ત્યારે ચંદ્રમા એવી વિશેષ રીતે મંદિરના શિખરની ઉપર ગોઠવાઈ જાય છે કે જાણે ભગવાન શિવે જાણે કે ચંદ્રમાને મસ્તક ઉપર ધારણ કર્યો હોય. ઈતિહાસ એ પણ કહે છે સોમનાથ જેવા પ્રાચીન શિવાલયમાં કુમારપાળે વિક્રમ સવંત 1225માં સોમનાથનો જીર્ણોદ્ધાર કરીને નવી પ્રાણપ્રતિષ્ઠા કાર્તિક પૂર્ણિમાએ કરેલી. આ પહેલાં ભીમદેવ પહેલાએ સવંત 1086માં સોમનાથ મહાદેવને પુજીને કાર્તિક પૂનમે ગ્રામદાન કર્યું હતું.

નર્મદા નદીના કિનારે આવેલા વિહારધામ પૈકીનું એક વિહારધામ એટલે શુકલતીર્થ. અહી આવેલા શુકલેશ્વર મહાદેવના મંદિર ઉપરથી આ સ્થળ શુકલતીર્થ તરીકે ઓળખાય છે. અર્ધચંદ્રાકાર વહેતી નર્મદાનો પ્રગાઢ પ્રવાહ ભાવકને એક અનોખી અનુભૂતિનો અહેસાસ કરાવે છે. અગ્નિહોત્રી અને સામવેદી વિદ્વાન બ્રાહ્મણોની કર્મભૂમિ એવા આ શુકલતીર્થની ખ્યાતિ સમગ્ર ભારતમાં હતી. આ ક્ષેત્રમાં આવેલા ભગવાન ઓમકારનાથના મંદિર ઉપરાંત અવીતેશ્વર મહાદેવનું મંદિર ગોપેશ્વર મહાદેવનું મંદિર ઉપરાંત અંબાજીના મંદિર આવેલા છે. કાર્તિકી પૂર્ણિમાએ મેળો ભરાય છે, ત્યારે નર્મદા સ્નાનનું મહાત્મ્ય સવિશેષ હોય છે.

કારતક મહીનાની પૂનમ પહેલા જ ધોળકા તાલુકાના વૌઠા ગામે સપ્તનદી સંગમ સ્થાન પર ભરાતા ગુજરાતના પ્રથમ હરોળના અને સૌથી મોટા લોકમેળાનો પ્રારંભ થઇ ગયો છે. મેળામાં નદીના પટમાં ધોળકા શહેરના તેમજ આજુબાજુના વિસ્તારના લોકો પાંચ દિવસના મેળા દરમ્યાન ત્યાં પાલ એટલે કે તંબુ બાંધી તેમના પરિવાર સાથે રહે છે અને મેળાની મજા માણે છે ત્યારે અનેક પરિવાર રહેવા આવી ગયા છે અને આખો નદીનો પટ તંબુથી ઉભરારાઇ ગયો છે.

READ ALSO

Related posts

જૂના પીએફ એકાઉન્ટમાં ફસાયા છે પૈસા ? તો ગભરાવ નહીં આવી રીતે કરો નવા એકાઉન્ટમાં ટ્રાન્સફર

Mansi Patel

શું બેંક તમને લોન નથી આપતી: આ કારણ પણ હોઈ શકે છે, જાણો લોન લેવા માટે CIBIL કેટલુ મહત્વનું છે !

Pravin Makwana

પોલીસની દબંગાઈ : દુકાનધારકે ઉધારમાં લસ્સી આપવાની ના પાડતા આપી ખોટા કેસમાં સંડોવી દેવાની ધમકી

Nilesh Jethva
Do NOT follow this link or you will be banned from the site!