GSTV
World

Cases
4768920
Active
6441331
Recoverd
538591
Death
INDIA

Cases
264944
Active
456831
Recoverd
20642
Death

નીરવ મોદીને RBIના ગવર્નર બનાવી દેવા જોઈએ: શિવસેના

પંજાબ નેશનલ બેંક ગોટાળાના મામલામાં કેન્દ્રની મોદી સરકાર પર તેમના પોતાના સાથીપક્ષો દ્વારા કટાક્ષો કરવાનું શરૂ કરાયું છે. સત્તાધારી ભાજપના સાથીપક્ષ શિવસેનાએ કેન્દ્રની મોદી સરકાર પર કટાક્ષ કરતા કહ્યુ છે કે નીરવ મોદીને ભારતીય રિઝર્વ બેંકના ગવર્નર બનાવી દેવા જોઈએ.

શિવસેનાએ કહ્યું છે કે, ભાગેડું ગોટાળાબાજ નીરવ મોદીને ભારતીય રિઝર્વ બેંકના ગવર્નર બનાવવા જોઈએ. જેથી તેઓ દેશને બરબાદ કરી શકે. પીએનબી ગોટાળાના મામલે શિવસેનાએ એમ પણ કહ્યું છે કે આ બિલકુલ સ્પષ્ટ છે કે નીરવ મોદી પોતાના પરિવાર સાથે ગત માસમાં દેશમાંથી ફરાર થઈ ચુક્યો છે.

શિવસેનાએ શનિવારે પાર્ટીના મુખપત્ર સામના અને દોપહર કા સામનામાં પ્રકાશિત કરેલા તંત્રીલેખમાં કહ્યું છે કે તાજેતરમાં આ સજ્જન વડાપ્રધાન નરેન્દ્ર મોદી સાથે દાવોસમાં તસવીરો ખેંચાવતા નજરે પડયા હતા. તેમણે કહ્યુ છે કે નીરવ મોદી ભાજપના ટેકેદાર ગણાય છે અને ચૂંટણી દરમિયાન તેઓ ભાજપ માટે નાણાં પણ એકઠા કરતા હતા. શિવસેનાએ વ્યંગાત્મક લહેજામાં કહ્યું છે કે તેઓ એ નથી કહેતા કે તેમણે પીએનબી બેંકને ભાજપના નેતાઓના આશિર્વાદથી લૂંટી છે અથવા તો તેનો હિસ્સો પણ પાર્ટીના ખજાનામાં ગયો છે. પરંતુ નીરવ મોદી હંમેશા ભાજપની નાણાંકીય સમૃદ્ધિ માટે કામ કરતા હતા. તેમણે ભાજપને ચૂંટણી જીતવામાં ભારે ભરખમ રકમ સાથે મદદ કરી હતી.

શિવસેનાના મુખપત્ર સામાનાના તંત્રીલેખમાં વપડાપ્રધાન નરેન્દ્ર મોદીના ખાઈશ નહીં અને ખાવા દઈશ નહીં તેવો વાયદો ખોખલો હોવાનું પણ જણાવ્યું છે. શિવસેનાએ કહ્યુ છે કે વિડંબણા એ છે કે જ્યાં આમ આદમીને આધાર કાર્ડ વગર હોસ્પિટલમાં ઉપચાર અથવા અંતિમ સંસ્કાર પણ થઈ શકતો નથી. પણ નીરવ મોદી જેવા વ્યક્તિને આધાર કાર્ડ વગર કોઈ બેંક 11 હજાર 500 કરોડ રૂપિયા બેઈમાનીથી નીકળી શકે છે. શિવસેનાએ ક્હ્યું છે કે ઈડી અને અન્ય એજન્સીઓએ નીરવ મોદીના ઠેકાણાઓ પર દરોડાની કાર્યવાહી કરીને 5100 કરોડ રૂપિયાના હીરા અને ઘરેણાં જપ્ત કર્યા છે. પરંતુ કિંગફિશર એરલાઈન્સના પ્રમુખ વિજય માલ્યા અને લલિત મોદીએ પણ ભારતમાંથી ભાગતા પહેલા ઘણી વધારે સંપત્તિ પાછળ મૂકી હતી.

Related posts

નવા લૂક સાથે FACEBOOKમાં આવ્યુ આ શાનદાર ફિચર્સ, આ રીતે કરો ઉપયોગ

Pravin Makwana

શું જોરજોરથી હસવાથી થઈ શકે છે કોઈ બિમારી, આ વાંચી લેશો તો હસવાનું ટાળી દેશો

Harshad Patel

ઉદ્યોગોના જોખમી કચરાનો નિકાલ ન થાય ત્યાં સુધી નવા એક પણ ઉદ્યોગને મંજૂરી ન આપવા NGTનો આદેશ

Dilip Patel
Do NOT follow this link or you will be banned from the site!