GSTV

જમ્મુ-કાશ્મીરના બડગામમાં બે આતંકવાદીઓ ઠાર, આતંકીઓ પાકિસ્તાની નાગરિક હોવાના અહેવાલ

Last Updated on June 30, 2019 by Alap Ramani

જમ્મુ-કાશ્મીરના બડગામમાં સવારે સુરક્ષાદળોએ બે આતંકવાદીઓને ઠાર કર્યા છે. બડગામમાં સવારે માર્યા ગયેલા બંને આતંકવાદીઓ પાકિસ્તાની નાગરિક હોવાના પ્રાથમિક અહેવાલ છે. મધ્ય કાશ્મીરના બડગામ જિલ્લાના બુજગૂ એરિજલમાં એક મકાનમાં બેથી ત્રણ આતંકવાદીઓના છૂપાયા હોવાના ઈનપુટ્સના આધારે સુરક્ષાદળોએ ગત રાત્રે જ સ્થાનિક પોલીસ સાથે મળીને સર્ચ ઓપરેશન હાથ ધર્યું હતું.

સર્ચ ઓપરેશન દરમિયાન સુરક્ષાદળો પર આતંકવાદીઓ દ્વારા ફાયરિંગ કરવામાં આવ્યું હતું. જેમાં સુરક્ષાદળોની વળતી કાર્યવાહીમાં બે આતંકીઓ ઠાર થયા હતા. તાજેતરમાં બડગામ અને તેની આસપાસના વિસ્તારોમાં આતંકવાદીઓની હલચલ વધી છે. તેના કારણે સુરક્ષાદળો દ્વારા અખા વિસ્તારમાં સર્ચ ઓપરેશન ચાલી રહ્યું છે.

દક્ષિણ કાશ્મીરના ત્રાલમાં મંગળવારે ભીષણ અથડામણમાં સુરક્ષાદળોએ આતંકવાદી સંગઠન જૈશ-એ-મોહમ્મદના આતંકી ચીફ મૌલાના મસૂદ અઝહરના ભત્રીજા ઉસ્માન હૈદર સહીત બે આતંકવાદીઓને ઠાર કર્યા હતા. અધિકારીઓ પ્રમાણે. ત્રાલ એન્કાઉન્ટર બાદ એમ-4 કાર્બાઈન જપ્ત કરવામાં આવી હતી. આ એમ-4 કાર્બાઈનનો ઉપયોગ સુરક્ષાદળો પરના સ્નાઈપર એટેક માટે ઉપયોગ થતો હોવાની આશંકા વ્યક્ત કરવામાં આવી છે.

આતંકવાદી ઉસ્માન હૈદર સિવાયના આતંકીની ઓળખ શૌકત અહમદ ખાન તરીકે થઈ હતી. સોપોરમાં આતંકવાદીઓ વિરુદ્ધ એન્કાઉન્ટરમાં સુરક્ષાદળોએ ગત શુક્રવારે અથડામણમાં બે આતંકવાદીઓને ઠાર કર્યા હતા. આના પહેલા કાશ્મીર ખીણમાં સુરક્ષાદળોએ બે અલગ-અલગ અથડામણોમાં છ આતંકવાદીઓને ઠાર કર્યા હતા. જો કે નૌગામમાં શુક્રવારે મોડી રાત્રે આતંકવાદીઓ દ્વારા સીઆઈએસએફના જવાનો પર ગ્રેનેડ એટેક થયો હતો અને તેમા એએસઆઈ રાજેશ કુમાર શહીદ થયા હતા.

Related posts

શેરબજાર માટે નોન ઇવેન્ટ પૂરવાર થશે બજેટ! સરકાર આ ક્ષેત્રો પર કરશે ધ્યાન કેન્દ્રિત

GSTV Web Desk

સંસદના અત્યાર સુધીમાં 800થી વધુ કર્મચારી કોરોના સંક્રમિત, 31 જાન્યુઆરીથી શરૂ થશે બજેટ સત્ર

Vishvesh Dave

વિવાદિત દરખાસ્ત / કમર તોડી નાખે તેવી મોંઘવારી વચ્ચે શહેરીજનો પર કરબોજ વધારવાની તૈયારીમાં AMC

GSTV Web Desk
Do NOT follow this link or you will be banned from the site!