GSTV

ગોંડલના મગફળીના ગોડાઉનમાં લાગેલી આગ યથાવત, ફોરેન્સીક તપાસના આદેશ

રાજકોટના ગોંડલના ઉમવાડા રોડ પર આવેલા મગફળીના ગોડાઉનમાં લાગેલી આગ યથાવત છે અને આગ બુઝાવવા 11 ફાયરફાઈટરની મદદ લેવામાં આવી છે. આજે નાફેડ અને ગુજકોમાસોલના અધિકારીઓની ટીમો પહોંચી તપાસ શરૂ કરવા જઈ રહી છે.

ભયાનક આગ પર કાબૂ મેળવવા માટે ગોંડલ, રાજકોટ, જસદણ, ધોરાજી, જેતપુરના સહિતનાફાયર ફાયટરો કામે લાગ્યા હતા. જે રીતે ટેકાના ભાવે ખરીદી કરાયેલી મગફળી જ્યાં રાખવામાં આવી તે ગોંડાઉનમાં લાગેલી આગને લઈને અનેક સવાલ ઉઠ્યા છે.

આ મામલે કલેક્ટર ડોકટર વિક્રાંત પાંડેએ ફોરેન્સીક તપાસના આદેશ આપ્યા છે. જ્યારે કે ગોંડલ નાયબ કલેક્ટરે મેજેસ્ટ્રેરીયલ તપાસના આદેશ આપ્યા છે. આ ગોડાઉનમાં જુદી-જુદી મંડળીઓની અંદાજે 36 કરોડની 2 લાખ ગુણી મગફળી રાખવામાં આવી હતી.

જે ગોડાઉનમાં જીઈબીના વીજ જોડાણો નથી હોતા તેવા જ ગોડાઉનની મગફળી સંગ્રહ માટે પસંદગી કરવામાં આવે છે એક ગુણી મગફળીની ખરીદી પાછળ રૂપિયા 1550 અને મજૂરીના રૂપિયા 225નો ખર્ચ સાથે 1800 રૂપિયાની પડતર થતી હોય છે અને આમ રૂપિયા 36 કરોડની મગફળી ગોડાઉનમાં હતી.

ગોંડલમાં સરકારે ટેકાના ભાવે ખરીદેલી મગફળીના ગોડાઉનમાં લાગેલી રહસ્યમય આગની ઘટનામાં સરકારે તપાસના આદેશ આપ્યા છે. તેમજ ભ્રષ્ટાચારનો મામલો સામે આવશે તો કોઈને બક્ષવામાં નહી આવે તેમ આર.સી.ફળદુએ નિવેદન આપ્યુ છે.

ગોંડલમાં ગઈકાલે સાંજે સાડા ચાર વાગ્યાના અરસામાં લાગેલી આગ 12 કલાક બાદ પણ કાબુમાં આવી ન હતી. તેમજ 36 કરોડની મગફળી આગમાં ખાખ થઈ ગઈ છે. ટેકાના ભાવે ખરીદાયેલી બે લાખ ગુણી મગફળી જ્યાં રાખવામાં આવી ત્યાં આગ લાગવાની ઘટનાને શંકાના દાયરામાં જોવાઈ રહી છે.

Related posts

દરરોજ માત્ર 2 રૂપિયાની બચત કરીને દર વર્ષે મેળવી શકો છો 36000 રૂપિયા, તમે પણ કરાવી શકો છો આ સ્કીમમાં રજીસ્ટ્રેશન

Dilip Patel

અમદાવાદમા માણેકચોક ખાતે 20 વેપારીઓ કોરોના સંક્રમિત થતા ફફડાટ, 22 સપ્ટે.થી 4 ઓક્ટોબર સુધી બજાર વહેલા બંધ કરવાનો નિર્ણય

Nilesh Jethva

જો તમે નવો સ્માર્ટફોન ખરીદવા જઈ રહ્યા છો, તો આ જાણકારી લેવી છે જરૂરી

Dilip Patel
Do NOT follow this link or you will be banned from the site!