GSTV
Home » News » POCSO Act : હાઇકોર્ટનો અતિ મહત્વનો ચુકાદો અાવ્યો, સંમતિથી સંભોગમાં પણ સજા

POCSO Act : હાઇકોર્ટનો અતિ મહત્વનો ચુકાદો અાવ્યો, સંમતિથી સંભોગમાં પણ સજા

POCSO Act ને લગતો હાઇકોર્ટનો અતિ મહત્વનો ચુકાદો અાવ્યો છે. તરૂણ અવસ્થામાં કરેલા પ્રેમ અને બાંધેલા શરીર સબંધ બદલ થશે લઘુત્તમ 10 વર્ષની કેદ થશે. કોર્ટે નોંધ્યું નાની ઉંમરે સંમતિથી પણ સંભોગ કરો તો કાયદો માફ નહીં કરે. કાયદામાં જ 10 વર્ષની લઘુત્તમ સજાની જોગવાઈ હોવાથી કોર્ટ પણ કોઈ છૂટ આપી શકતી નથી અને કોર્ટ પાસે કોઈ ડિસ્ક્રીશન પણ રહેતું નથી. આવામાં એક ભૂલ તરુણ કે યુવાનની આખી કારકિર્દી અને જીવનનો મહત્વનો એક દાયકો ખતમ કરી દે છે. કોર્ટે નોંધ્યું હતું કે, નાની ઉંમરમાં પ્રેમ સંબંધમાં થનારા આ ‘સ્ટેટયૂટરી ગુના’ માટે 10 વર્ષની આકરી કેદ આજની પેઢીએ ના ભોગવવી પડે એ માટે જાગૃતિ ફેલાવવાની જવાબદારી કેન્દ્ર અને રાજ્ય સરકારોની છે. જાહેર હિતમાં કેન્દ્ર અને રાજ્ય સરકારો પોકસો એકટ બાબતે અને આ ગુનાઓની ગંભીરતા બાબતે અખબાર, પેમફ્લેટ, સાઈન બોર્ડ, રેડિયો અને ટેલિવિઝન પર બહોળી પ્રસિદ્ધિ કરીને જાગૃતિ ફેલાવે. જેથી બાળકો, વાલીઓ અને આમ જનતાને આ કાયદા અને તેની કડક જોગવાઈઓનું ભાન થાય. શાળાઓ અને કોલેજોમાં પણ જાગૃતિ અભિયાન કરવા કોર્ટે આદેશ અાપ્યો હતો. ગુજરાતમાં આ જાગૃતિ અભિયાન માટે રાજ્યના ચીફ સેક્રેટરી, ગૃહ સચિવ, માધ્યમિક શિક્ષણ સચિવ સહિતના તમામ જવાબદાર લોકોને પગલાં લેવા ગુજરાત હાઈકોર્ટે અાદેશ કર્યો છે.

Related posts

રાહુલ ગાંધી અશોક ગેહલોત, કમલનાથ ચિદમ્બરમ પર વરસ્યા કહ્યું, ‘કેટલાક નેતાઓએ પાર્ટી કરતા પુત્રને વધારે મહત્વ આપ્યું’

Mayur

આજે વતનમાં વડાપ્રધાન : માતા હિરાબાના લેશે આશિર્વાદ, ભાજપ દ્વારા મનાવાશે વિજયોત્સવ

Mayur

એક જ પેસેન્જર હોવાથી આખી ફ્લાઇટ રદ, અમદાવાદ એરપોર્ટ પર બની ઘટના

Mayur
Do NOT follow this link or you will be banned from the site!